Andijon viloyati IIB tashabbusi bilan “Yoshlar oyligi” doirasida yosh xodimlar hamda oʻquvchi-yoshlar uchun “Shon-sharaf” muzeyiga sayohat tashkil etildi
2025-06-06 09:00:00 / Yangiliklar
Andijon viloyati IIB Maʼnaviy-maʼrifiy ishlar va kadrlar bilan taʼminlash xizmati tashabbusi bilan yoshlarni vatanparvarlik ruhida tarbiyalash borasidagi bir qator tadbirlar oʻtkazilmoqda.
Xususan, “Yoshlar oyligi” doirasida Andijon viloyat ichki ishlar boshqarmasining “Shon-sharaf” muzeyiga ichki ishlar organlarining yosh xodimlari hamda IIV Andijon akademik litseyi oʻquvchilari tashrif buyurishdi.
Unda yosh xodimlar va oʻquvchilar Oʻrta Osiyo, xususan, Andijonning qadimgi davlatchilik xavfsizligidan boshlab, bugungi kungacha bosib oʻtgan yoʻli, hududiy xavfsizlik va xalq osoyishtaligi yoʻlida xizmat qilgan fidoiylar, oʻtgan har bir davrning voqea hodisalarini oʻzida mujassam etgan koʻrgazmalar bilan yaqindan tanishdilar.
Bundan tashqari, boshqarmada tashkil etilgan “Xotira maydoni”dagi yurtimiz tinchligi va osoyishtaligini taʼminlash yoʻlida qahramonlarcha halok boʻlgan mard oʻgʻlonlar xotirasi yodga olindi.
Oʻtkazilayotgan bu kabi tadbirlar xodimlar hamda oʻquvchilarning maʼnaviy dunyosini boyitish hamda ularda vatanparvarlik tuygʻusini yanada oshishiga xizmat qiladi.
Andijon viloyati IIB Axborot xizmati