Ichki ishlar vazirligi Xalqaro aeroportlarda xavfsizlikni taʼminlash boʻyicha qoʻshinlari Qoʻmondoni polkovnik Shokirjon Xudoynazarov kursantlar bilan uchrashdi
2023-12-25 18:10:00 / Yangiliklar
Ichki ishlar vazirligi Xalqaro aeroportlarda xavfsizlikni taʼminlash boʻyicha qoʻshinlari Qoʻmondoni polkovnik Shokirjon Xudoynazarov Oʻzbekiston Respublikasi Qurolli Kuchlar akademiyasida “Xalqaro aeroportlarda xavfsizlikni taʼminlash qoʻshinlarida xizmat oʻtashning huquqiy asoslari” mavzusida boʻlib oʻtgan konferensiyada qatnashdi.
Konferensiyada polkovnik Shokirjon Xudoynazarov oʻz nutqida, Qurolli Kuchlar Akademiyasida yangi tashkil topgan IIV harbiy tuzilmalari kafedrasi kursantlariga Qoʻshin xizmat faoliyati haqida soʻzlab berib, kelgusida ushbu bilim yurtini tugatib keyingi xizmat faoliyati davomida duch keladigan har xil vaziyatlarda toʻgʻri huquqiy baho berib tezkor qaror qabul qiladigan komandirlik xususiyatlarini yanada mustahkamlash kerakligini aytib oʻtib, barcha kursantlarga oʻqishlarida omadlar va muvaffaqiyatlar tilab, ularga oʻz ustidan tinmay ishlashni va bilimlarini yanada oshirishni aytib oʻtdi. Konferensiya soʻngida konferensiya qatnashchilari Akademiya boʻylab sayohat qilib, kursantlarning sinf xonalari ularning oʻquv moddiy bazasi bilan yaqindan tanishdilar.
Xalqaro aeroportlarda xavfsizlikni taʼminlash boʻyicha qoʻshinlari qoʻmondonligi