Fargʻona viloyati IIB boshligʻi boshchiligida Oltiariq tumanida fuqarolar uchun ommaviy sayyor qabul oʻtkazildi
2023-12-20 12:35:00 / Yangiliklar
Joylarda oʻtkazilayotgan sayyor qabullar fuqarolarning uzogʻini yaqin qilib, muammolarini tizimli hal qilishga zamin yaratmoqda. Fargʻona viloyati IIB boshligʻi, general-mayor Azizbek Ikramov hamda boshqarma rahbariyati tomonidan Oltiariq tumanida ana shunday tadbirlar tashkil qilindi.
General-mayor A. Ikramov raisligida oʻtkazilayotgan sayyor qabulda jami 46 nafar fuqarolar 46 ta turli masalalar boʻyicha murojaat qildi, shundan 10 ta pishiriq pechi, 14 ta tikuv mashinasi, 1 ta motokultivator, 2 ta imtiyozli kredit, 2 ta muddatidan oldin shartli ravishda ozod qilish, Ichki ishlar organlari faoliyati bilan bogʻliq 6 ta, 6 ta moddiy yordam, 2 ta uy-joy, IIOga kirish va tiklash masalasida 2 ta, 1 ta beton tayanch oʻrnatish boʻyicha murojaat kelib tushdi.
Sayyor qabul davomida 24 ta murojaatlar joyida hal etildi. 22 ta murojaatlari vaqt talab qilganligi sababli tegishli masʼullarga muddat berilib topshiriqlar yuklatildi.
Sayyor qabullar joylarda tizimli tartibda davom ettirilmoqda.
Fargʻona viloyati IIB Axborot xizmati