Yoʻl harakati xavfsizligi sohasida qanday oʻzgarishlar kutilyapti?
2023-12-20 09:50:00 / Yangiliklar
Davra suhbatida avtomobil yoʻllarida inson va harakat xavfsizligi taʼminlash, sohaga raqamli texnologiyalarni keng joriy etishga qaratilgan keng koʻlamli islohotlar haqida maʼlumot berildi. YHXX boshligʻi, polkovnik Olim Saidovning aytishicha, soʻnggi yillarda sohaning tashkiliy-huquqiy asoslarini tubdan takomillashtirish maqsadida izchil chora-tadbirlar amalga oshirildi.
Tizim mutasaddisi koʻrilayotgan chora-tadbirlarga qaramasdan, mavjud muammolarga ham eʼtibor qaratdi. Xususan, yoʻl-transport hodisalari salmogʻining yuqoriligicha qolayotgani, ayniqsa harakat ishtirokchilarining madaniyatini oshirish, texnika xavfsizligi qoidalariga rioya qilishini taʼminlash, sohadagi huquqiy boʻshliqlarni toʻldirish dolzarb ahamiyat kasb etayotgani taʼkidlandi. Yoʻllarda inson xavfsizligini taʼminlash boʻyicha qonunchilikni takomillashtirish yoʻlida amalga oshirilayotgan ishlar kelgusida yoʻl-transport hodisalarining oldini olishga xizmat qilishi aytib oʻtildi.
Muloqot chogʻida tinglovchilar ham soʻz olib, dolzarb masala yuzasidan oʻz mulohaza va takliflarini bildirdilar.
IIV Akademiyasi Axborot xizmati