Buxoro viloyati IIB boshligʻi polkovnik Ikromjon Tursunov tomonidan navbatdagi tezkor yigʻilish oʻtkazildi
2025-02-14 09:00:00 / Yangiliklar
Tezkor yigʻilishda Prezident qarori ijrosi doirasida xavfsiz va namunali koʻchalarni barpo etish masalalari muhokama qilindi. Shu jumladan, Buxoro shahridagi “M.Ashrafiy” mahallasidagi loyiha tajribasi asosida hududlarda tartibli va xavfsiz muhit yaratish boʻyicha chora-tadbirlar belgilab olindi.
Shuningdek, Shofirkon tumanida intellektual kameralar oʻrnatish va hududni toʻliq qamrab olish boʻyicha ishlab chiqilgan loyiha taqdimoti oʻtkazildi. Bu tizim jinoyatlarning oldini olish va ularni tezkor fosh etishda muhim ahamiyat kasb etishi taʼkidlandi.
Yigʻilishda jinoyatchilikka qarshi kurash, qidiruvdagi shaxslarni ushlash, tergov ishlarini sifatli oʻtkazish, “E-material” tizimidagi hujjatlarni kunlik nazorat qilish, kiberxavfsizlikni kuchaytirish va uyushgan jinoyatchilikka qarshi kurashish masalalari tahlil qilindi.
Shuningdek, 79 ta “qizil toifali” mahallalardagi profilaktik ishlar samaradorligini oshirish boʻyicha topshiriqlar berildi.
Yigʻilish yakunida masʼul rahbarlarga aniq vazifalar belgilab berilib, topshiriqlarni oʻz vaqtida va samarali bajarish, shaxsiy tarkib faoliyatini tizimli nazorat qilish hamda xizmat intizomini mustahkamlash boʻyicha qatʼiy talablar qoʻyildi.
Buxoro viloyati IIB Axborot xizmati