Toshkent viloyati hokimi Zoyir Mirzayev boshchiligida sektor rahbarlarining ommaviy sayyor qabuli oʻtkazildi
2025-02-02 09:00:00 / Yangiliklar
“Qishloqda bir kun” loyihasi doirasida Parkent tumanining “Yangi Sanganak” mahallasida tashkil etilgan ushbu tadbirda Toshkent viloyati hokimi Zoyir Mirzayev boshchiligida sektor rahbarlarining ommaviy sayyor qabuli oʻtkazildi.
Toshkent viloyati IIBB boshligʻi general-mayor Tohir Aripov fuqarolarning ichki ishlar organlariga oid murojaatlarini shaxsan qabul qilib, ularga yechim topish boʻyicha tegishli choralar koʻrildi.
Xususan, ichki ishlar organlariga xizmatga kirish, tergov jarayonlari va boshqa masalalar boʻyicha kelib tushgan murojaatlarning aksariyati joyida ijobiy hal qilindi.
Shuningdek, tadbirda viloyat prokuraturasi, FVB, Milliy gvardiya va MIB rahbarlari ham ishtirok etib, oʻz yoʻnalishlari boʻyicha fuqarolar muammolarini tinglab, ularning yechimi boʻyicha amaliy yordam koʻrsatdilar.
Tadbir davomida viloyat 3-sektor rahbari, IIBB boshligʻi general-mayor Tohir Aripov hududdagi ijtimoiy himoyaga muhtoj fuqarolar xonadonida boʻlib, ularning hayotiy sharoitlarini yaxshilash uchun zarur yordamlar koʻrsatilishini taʼkidladi hamda masʼullarga tegishli topshiriqlar berilib, ijrosi nazoratga olindi.
Toshkent viloyati IIBB Axborot xizmati