Bundan bir necha oy oldin Ichki ishlar vazirligi Jamoat xavfsizligi departamenti Yoʻl harakati xavfsizligi xizmati boshligʻi polkovnik Sh.Ibragimov hamda Transport vazirligi, Avtomobil yoʻllari qoʻmitasi masʼullari va malakali mutaxassislardan iborat ishchi guruh tomonidan poytaxtimizdagi muammoli chorrahalarda oʻrganish ishlari boshlab yuborilgan edi.

Bugun poytaxtimizdagi “Parkent“, “Maxtumquli“, “Temirmalik“ hamda “Ohangaron shoh“ koʻchalari tutashgan aylanma harakatda tirbandliklarni oldini olish maqsadida yoʻl mintaqasini kengaytirish, unga zamonaviy svetofor chiroqlarini oʻrnatish borasidagi saʼy-harakatlar yakunlanayotganligi munosabati bilan amalga oshirilgan ishlar koʻzdan kechirilib, aniqlangan baʼzi kamchiliklarni tez fursatda bartaraf etish yuzasidan topshiriqlar berildi.

Kelgusida ushbu kesishmada tirbandlik vaqtida transportlar hisobini olib boruvchi maxsus kameralar oʻrnatish va transport vositalari uchun yanada kulay shart-sharoit yaratish koʻzda tutilgan.

IIV JXD Yoʻl harakati xavfsizligi xizmati