Surxondaryo viloyati Muzrabot tumandagi «Otaliqqa olingan yoshlar» Ekspert-kriminalist sohasi bilan yaqindan tanishishdi
2024-07-31 11:10:00 / Yangiliklar
Muzrabot tuman 1 sektor hududida viloyat IIB Ekspert-kriminalistika boʻlimiga biriktirilgan «Otaliqqa olingan yoshlar» hamda profilaktik hisobda turuvchi yoshlarni harbiy Vatanparvarlik ruhida tarbiyalash, maʼnaviy maʼrifiy salohiyatini yuksaltirish, huquqiy va kitobxonlik savodxonligini oshirish, ijtimoiy qoʻllab quvvatlash maqsadida, tumanning «Navroʻz» mahallasi hududida joylashgan 14-sonli umumiy oʻrta taʼlim maktabida Surxondaryo viloyati Ichki ishlar boshqarmasi Ekspert-kriminalistika boʻlimi boshligʻi podpolkovnik Jasur Pardayev, tuman hokimi Abdurashid Ismoilovlar ishtirokida, viloyat IIB Ekspert-kriminalistika boʻlimi hamda viloyat IIB Maxsus otryad xodimlari tomonidan sohaga oid koʻrgazmali chiqishlari namoyish etildi.
Tadbirda, «Otaliqqa olingan yoshlar» kriminalistika sohasi hamda amaliyotda foydalanadigan asbob-uskunalar, texnikalar bilan yaqindan tanishish imkoniyatiga ega boʻlishdi.
Tadbir davomida yoshlar oʻzlarini qiziqtirgan savollariga mutaxassislar tomonidan tegishli javoblar olishdi.
Surxondaryo viloyati IIB Axborot xizmati