Ichki ishlar vaziri oʻrinbosari general-mayor Bekmurod Abdullayev Surxondaryo viloyatida oʻrganishlar olib bormoqda
2024-07-26 09:00:00 / Yangiliklar
Surxondaryo viloyati Sariosiyo tumani «Shoqishloq» mahallasida Ichki ishlar vaziri oʻrinbosari general mayor Б.Т.Абдуллаев hamda Milliy Gvardiya qoʻmondonining 1-oʻrinbosari, polkovnik С.Д.Сармонқулов boshchiligida keng qamrovli profilaktik tadbir oʻtkazildi.
Tadbirda hokimiyat masʼullari, Milliy Gvardiya va IIB sohaviy xizmat xodimlari ishtirok etdi.
Mahalla aholisi ishtirokida tashkil etilgan uchrashuvda masʼullar tomonidan fuqarolarni qiynab kelayotgan masalalar atroflicha tinglanib, murojaatlar batafsil oʻrganildi.
Mavjud muammolarni oʻz oʻrnida bartaraf etish boʻyicha tuman hokimligi, korxona va tashkilotlar hamkorligida manzilli chora-tadbirlar belgilab olindi.
Tadbir davomida probatsiya nazoratiga olingan shaxslar hamda uzoq muddatga chet elga ketgan shaxslarning oila aʼzolari bilan individual suhbat oʻtkazildi.
Shuningdek, avtotransport vositasiga ega boʻlgan fuqarolar bilan manzilli profilaktik targʻibot ishlari olib borildi.
Uchrashuv yakunida general-mayor Bekmurod Abdullayev tomonidan hududda jinoyat va huquqbuzarliklarning barvaqt oldini olish hamda qidiruvda boʻlgan shaxslarni ushlash borasida tezkor-qidiruv tadbirlarini yanada kuchaytirish boʻyicha masʼul xodimlarga tegishli koʻrsatma va topshiriqlar berildi.
IIV Jamoat xavfsizligi departamenti Axborot xizmati