Ветеринария ва чорвачиликни ривожлантириш қўмитаси раиси Баҳром Норқобиловнинг "1-октябр – устоз ва мураббийлар куни" муносабати билан байрам табриги
2025-09-30 15:35:00 / Янгиликлар
Муҳтарам устоз ва мураббийлар!
Аввало, сиз, азизларни, юртимиздаги таълим-тарбия соҳаси ходимларини Ўқитувчи ва мураббийлар куни байрами билан чин қалбимдан муборакбод этиб, барчангизга энг эзгу тилакларимни билдиришдан бахтиёрман!
Бугун, ҳар бир инсон тақдири, жамият равнақини белгилашда чинакам фидойилик кўрсатиб келаётган ўқитувчи ва мураббийлар касб байрамини нишонлаяпмиз.
Барча соҳалар қаторида ветеринария ва чорвачилик соҳасида ҳам таълим, илм-фан соҳаси тубдан ўзгариши талаб этилмоқда. Соҳада илм, инновация ва таълимсиз замонавий ветеринария хизматига эришиб бўлмайди.
Асосий мақсадимиз, соҳага ҳисса қўшишни хоҳлаган ҳар бир ёш, интилувчан "қора кўз"ларга тўлиқ шароит яратиб бериш, уларнинг илмий салоҳиятини оширишдир. Соҳа ҳар жиҳатдан ривожланар экан, инсонларнинг ҳам шубҳасиз, турмуш даражасини оширишга эришамиз.
Шу ўринда, Ўзбекистон Республикаси Ветеринария ва чорвачиликни ривожлантириш қўмитаси ва ўз номимдан юртимиздаги жонкуяр устозларимиз, азиз мураббийларимизни касб байрамлари билан табриклайман.
Байрамингиз муборак бўлсин, азиз устозлар!