Наслчилик тоифасига ўтказишга масъуллар бириктирилди.
2025-04-11 10:35:00 / Янгиликлар
Тошкент вилоятида чорвачилик субьектларини наслчилик тоифасига ўтказиш, соҳа ривожидаги қарор ва яратилаётган имтиёзларнинг мазмун-моҳияти хусусида амалий семинар бўлиб ўтди.
Анжуманда наслчилик тоифасига ўтказишдаги камчиликлар танқидий муҳокама қилинди. Баьзи камчиликлар шу ернинг ўзида бартараф этилди. Қолган чорвачилик хўжаликларини белгиланган муддатда наслчилик тоифасига ўтказиш бўйича алоҳида масъуллар бириктирилди.
Шунингдек Оҳангарон туманидаги “Оҳанг Холтўраев Сардор” фермер хўжалигида Ангор зотли эчкиларни ҳамда Чорвачилик ва паррандачилик илмий тадқиқот институтининг Оҳангарон бўлими ўқув-тажриба хўжалигида майин ва ярим майин жун берувчи, гўштдор-сержун қўйларни парваришлаш ва озиқлантириш жараёнлари мониторинг қилинди.