ЎЗБЕКИСТОН РЕСПУБЛИКАСИ

ЧОРВАЧИЛИК СЕКТОРИНИ РИВОЖЛАНТИРИШ ЛОЙИҲАСИ (2-БОСҚИЧ) МАР ВА ЖБТ ИШТИРОКИДА

Қарз № 7295-UZ

ҚИЗИҚИШ БИЛДИРИШ УЧУН СЎРОВ

«Вакциналар учун совуқлик занжирини яратиш: мавжуд совутгич ускуналарини ревизия қилиш ва техник талабларни ишлаб чиқиш» бўйича миллий индивидуал маслаҳатчи хизматлари
(SLSDP/IC/04)

Чорвачилик жамият ҳаётида муҳим ўрин тутади ва асосий вазифаларидан бири озиқ-овқат маҳсулотлари ишлаб чиқариш бўлиб, бу мамлакат ва унинг ҳудудларида озиқ-овқат ва иқтисодий хавфсизликни таъминлашга таъсир қилади. Шунингдек, мазкур соҳанинг қатор бошқа вазифалари ҳам мавжуд бўлиб, улар қаторига атроф-муҳит сифати сақланиши, аҳоли бандлигини таъминлаш ва қишлоқ жойларнинг ижтимоий-иқтисодий ривожланиши киради.

Лойиҳа мақсади – Ўзбекистонда маҳсулдор, бозорга йўналтирилган, барқарор ва инклюзив чорвачилик секторини ривожлантиришни қўллаб-қувватлаш.

Лойиҳа чорвачилик секторини трансформация қилиш, чорвачиликнинг барқарор тизимларини яратиш ва уларни ҳайвоний маҳсулотларга бўлган ортиб бораётган талаб ҳамда иқлимий хавфларга мослашувчан қилишга қаратилган.

Лойиҳа доирасида қуйидаги компонентлар амалга оширилади:

• 1-компонент: «Чорвачилик соҳасида давлат хизматларини кучайтириш»;

• 2-компонент: «Бозор инфратузилмасини ва қиймат занжирини мустаҳкамлаш, савдони енгиллаштириш»;

• 3-компонент: ««Ёшил» ва иқлимга мослашувчан чорвачилик қиймат занжирлари»;

• 4-компонент: «Лойиҳани бошқариш ва мувофиқлаштириш».

Лойиҳа 2023-2028 йилларда Қорақалпоғистон Республикаси ва Ўзбекистон Республикасининг барча вилоятларида амалга оширилади.

Танловда иштирок этувчилар учун минимал талаблар:

Маслаҳатчи қуйидаги минимал талабларга жавоб бериши лозим:

• Техник ва/ёки муҳандислик соҳасида магистр даражасига эга бўлиш;

• Республика миқёсида совутгич ускуналари ва вакциналар учун совуқлик занжири соҳасида камида 5 йиллик иш тажрибаси;

• Охирги 3 йил ичида халқаро ташкилотлар иштирокида совуқлик занжири йўналишида камида битта лойиҳада иштирок этган бўлиш;

• Чет эл давлатларида совуқлик занжири бўйича иш тажрибаси мавжуд бўлиши маъқулланади;

• Ўзбек, рус ва инглиз тилларини мукаммал билиши.

Маслаҳатчи Жаҳон банкининг харидлар бўйича қўлланмасига мувофиқ, индивидуал маслаҳатчи танлаш тартиблари асосида саралаб олинади.

Қизиқиш билдирган иштирокчилар қўшимча маълумотни қуйидаги манзил орқали душанба-жума кунлари соат 9:00 дан 18:00 гача (Тошкент вақти) олишлари мумкин.

Қизиқиш билдириш хатлари қуйидаги манзилга 2024 йил 5 декабрь куни соат 16:00 гача тақдим этилиши лозим.

«Чорвачилик секторини ривожлантириш (2-босқич)» лойиҳасини амалга ошириш гуруҳи, МАР ва ЖБТ иштирокида

Ўзбекистон Республикаси, 100022
Тошкент шаҳри, Яккасарой тумани, Қушбеги кўчаси, 22, 3-қават (Харидлар бўлими)

Тел: (+998 97) 155 50 54; (+998 90) 940 55 12
Email: slsdp.procurement@gmail.com