Жисмоний тарбия ва спортни оммалаштириш учун янги ташаббусларга старт берилди!
2026-04-22 16:00:00 / Янгиликлар
Хабар берганимиздек, бугун Олий таълим, фан ва инновациялар вазирлиги ҳамда Спорт вазирлиги ҳамкорлигида ташкил этилган ўқув-амалий семинар ва спорт ҳафталиги бошланди.
2026 йил 7 апрель куни Президентимиз раислигида ўтказилган видеоселектор йиғилишида белгиланган устувор вазифалар ижросини таъминлаш мақсадида ташкил этилган ўқув-амалий семинарида Олий таълим, фан ва инновациялар вазири Қўнғиротбой Шарипов, Спорт вазири Адҳам Икрамов ҳамда Сурхондарё вилояти ҳокими Улуғбек Қосимов иштирок этишди.
Йиғилишда жисмоний тарбия ва спортни олий таълим тизими билан узвий боғлаш, талабалар ўртасида соғлом ва фаол ҳаёт тарзини шакллантириш, спорт инфратузилмасини ривожлантириш масалалари бугунги куннинг устувор йўналишларидан экани алоҳида қайд этилди.
Анжуман олий таълим муассасалари раҳбарлари учун:
🔘 илғор тажрибаларни алмашиш;
🔘 спорт соҳасидаги ислоҳотларни чуқурлаштириш;
🔘 замонавий бошқарув ёндашувларини жорий этиш;
🔘 соғлом турмуш тарзини кенг тарғиб қилишга хизмат қилади.
Семинар якунида президентимиз томонидан белгиланган топшириқлар ижросини таъминлаш, илғор тажрибаларни оммалаштириш ҳамда ҳудудлар кесимида амалий натижаларга эришиш юзасидан таклиф ва ташаббуслар муҳокама қилиниб, зарур чора-тадбирлар белгилаб олинди.