"Газанфар Гроуп" компанияси раҳбари Ғазанфар Муҳаммад Иброҳим, шунингдек, Ўзбекистоннинг Мазори Шариф шаҳридаги Бош консули Жафар Фаттоев иштирокида Сурхондарё вилояти ҳокими билан учрашув бўлиб ўтди.
2026-04-02 18:00:00 / Янгиликлар
Балх вилояти Савдо-саноат палатаси раиси ва "Газанфар Гроуп" компанияси раҳбари Ғазанфар Муҳаммад Иброҳим, шунингдек, Ўзбекистоннинг Мазори Шариф шаҳридаги Бош консули Жафар Фаттоев иштирокида Сурхондарё вилояти ҳокими билан учрашув бўлиб ўтди.
Учрашув давомида икки томонлама ҳамкорликни янада мустаҳкамлаш, савдо-иқтисодий алоқаларни кенгайтириш, экспорт ва импорт ҳажмини ошириш масалалари атрофлича муҳокама қилинди. Хусусан, фармацевтика, қурилиш материаллари ишлаб чиқариш, қишлоқ хўжалиги маҳсулотларини қайта ишлаш, шунингдек, тўқимачилик саноати йўналишларида ўзаро манфаатли лойиҳаларни амалга ошириш имкониятлари кўриб чиқилди.
Томонлар инвестициявий ҳамкорликни ривожлантириш, янги қўшма корхоналар ташкил этиш, логистика занжирларини такомиллаштириш ва ҳудудлараро иқтисодий интеграцияни кучайтириш зарурлигини таъкидладилар. Шу билан бирга, тадбиркорлар учун қулай шарт-шароитлар яратиш, бизнес муҳитини янада яхшилаш ҳамда ўзаро ишончли шерикликни мустаҳкамлаш муҳим экани қайд этилди.
Учрашув якунида келгусида аниқ инвестиция лойиҳаларини амалга ошириш ва амалий ҳамкорликни янада фаоллаштириш бўйича келишувларга эришилди.