Миробод туманида Қўриқлаш департаменти раҳбарияти томонидан жамоат хавфсизлигини таъминлаш бўйича амалий ишлар олиб борилмоқда
2026-06-11 05:40:00 / Янгиликлар
Аввал хабар берганимиздек, Тошкент шаҳри Миробод туманида Қўриқлаш департаменти раҳбари бошчилигидаги ишчи гуруҳ маҳаллаларда жиноят ва ҳуқуқбузарликларнинг барвақт олдини олиш бўйича вазифалар ижроси таъминлаш ҳамда хавфсиз муҳитни яратиш борасида амалий ишларни олиб бормоқда.
Пойтахтимизнинг Миробод туманида жамоат хавфсизлигини мустаҳкамлаш ҳамда ҳуқуқбузарликларнинг олдини олишга қаратилган амалий ишлар изчил давом эттирилмоқда. Қўриқлаш департаменти бошлиғи полковник Қ.А.Шодибеков бошчилигидаги ишчи гуруҳ томонидан туман ҳудудида рақамли технологияларга асосланган хавфсизлик тизимини жорий этиш бўйича қатор чора-тадбирлар амалга оширилмоқда.
Хусусан, туманнинг Шароф Рашидов ва Афросиёб маҳаллар фуқаролар йиғинида кўп қаватли уйлар ва ижтимоий объектларда видеокузатув қурилмалари ўрнатиш, кириш йўлакларини ташвиш тугмалари билан жиҳозлаш ҳамда автотранспорт ҳаракатини назорат қилиш имконини берувчи замонавий ечимлардан фойдаланиш масалалари муҳокама қилинди.
Маҳалла фаоллари билан ҳудуд хавфсизлигини таъминлаш бўйича мулоқотлар ташкил этилди. Тезкор ҳаракатланувчи гуруҳларнинг йўналишларини ташкил этиш бўйича таклифлар олиниб амалий ишлар бошланди.
Бу каби тадбирлар маҳаллаларда хавфсиз муҳитни шакллантириш, ҳуқуқбузарлик ва жиноятчиликнинг барвақт профилактикасини кучайтириш, “манзилли ишлаш” тизимини самарали жорий этишга мустаҳкам замин яратмоқда.
ИИВ ҳузуридаги Қўриқлаш департаменти Ахборот хизмати