ИИВ раҳбарияти томонидан ТваТОХТД ходимлари томонидан 2 ой давомида амалга оширилган ишлар ва йўл қўйилган камчиликлар юзасидан йиғилиш бўлиб ўтди
2026-03-09 14:20:00 / Янгиликлар
Ички ишлари вазири ўринбосари генерал-майор Баходир Юлдашевич Мирзарахимов бошчилигида Транспорт ва туризм объектларида хавфсизликни таъминлаш департаменти масъул ходимлари ҳамда Тошкент минтақаси темир йўл транспортида хавфсизликни таъминлаш бошқармаси, Тошкент шаҳри аэропортларида хавфсизликни таъминлаш бошқармаси ва Метрополитенда хавфсизликни таъминлаш бошқармаси ходимлари томонидан 2 ой давомида амалга оширилган ишлар ҳамда йўл қўйилган камчиликлар юзасидан йиғилиш бўлиб ўтди.
Йиғилиш бошида Вазир ўринбосари томонидан транспорт объектларида жиноят ва ҳуқуқбузарликларни олдини олиш, содир этилган жиноятларни «иссиқ изи»дан фош этиш, қидирувдаги шахсларни қўлга олиш, шунингдек, бахтсиз ҳодисаларни барвақт олдини олиш, транспорт объектларидаги ижтимоий-криминоген вазиятга салбий таъсир этувчи омиллар чуқур таҳлил қилиниб, уларни бартараф этиш бўйича аниқ ва манзилли чора-тадбирлар белгилаш, шахсий таркиб ўртасида хизмат интизоми ва қонунийликни мустаҳкамлаш юзасидан аниқ топшириқлар берилди
Шунингдек, вазир ўринбосари томонидан дунёдаги бўлаётган ўзгаришлар, юзага келаётган хавф-хатарлар ҳақида тўхталиб, юртимизда тинчлик ва осойишталикни таъминлашда энг аввало жанговар вазифаларни аъло даражада бажарилиши, ходимлар ўртасида хизмат ва ижрочилик интизомига қатъий амал қилиниши, ўзаро ҳурмат, муомала, юриш-туриш, кийиниш маданиятига, амалдаги қонунчиликка риоя қилиш, ўтказилаётган тарбиявий ишларни жадаллаштириш, ходимларнинг хизмат фаолияти устидан кунлик назоратни кучайтириш, коррупцияга йўл қўймаслик бўйича бир қатор кўрсатмалар берилди.
Транспорт ва туризм объектларида хавфсизликни таъминлаш департаменти Ахборот гуруҳи