Ички ишлар вазирлиги раҳбарияти томонидан Андижон вилояти ҳудудларида 2025 йил якунларига бағишланган cарҳисоб йиғилиши ўтказилди
2026-01-23 11:00:00 / Янгиликлар
Ўтган давр мобайнида вилоят ҳудудида жиноят ва ҳуқуқбузарликларнинг олдини олиш борасида амалга оширилган ишлар, йўл қўйилган хато ва камчиликлар ҳамда келгусидаги устувор вазифалар муҳокамасига бағишланган йиғилишда Ички ишлар вазири ўринбосари, генерал-майор Б.Ю.Мирзарахимов, вилоят ИИБ бошлиғи бошқарма бошлиғи ўринбосарлари, соҳавий хизмат ҳамда шаҳар-туман ИИБ раҳбарлари иштирок этишди.
Вилоят ИИБ бошлиғи сўз олиб, кун тартибидаги масалалар билан таништирди. Сўнг вилоят ҳудудида ҳуқуқбузарлик ва жиноятчиликнинг барвақт олдини олиш, криминоген вазияти оғир бўлган ҳудудлар, жиноятчиликни жиловлашда йўл қўйилган камчиликлар ва бу борада ички ишлар бўлимлари ва соҳавий хизматларнинг фаолиятлари таҳлил қилинди.
Йиғилиш давомида ўтган йилда жамоат тартибини сақлаш, ҳуқуқбузарликларнинг олдини олиш, жиноятчиликка қарши курашиш, аҳоли хавфсизлигини таъминлаш борасида амалга оширилган ишлар таҳлил қилиниб, мавжуд камчиликлар ва уларни бартараф этиш чоралари муҳокама қилинди.
Шунингдек, 2026 йил учун устувор вазифалар белгилаб олиниб, профилактик тадбирларни янада кучайтириш, рақамли технологиялардан самарали фойдаланиш, хизмат интизомини мустаҳкамлаш ҳамда аҳоли билан очиқ мулоқотни кенгайтиришга алоҳида эътибор қаратиш зарурлиги таъкидланди.
Йиғилиш сўнгида Ички ишлар вазири ўринбосари, генерал-майор Баҳодир Мирзараҳимов, Ватанимиз тинчлиги ва эл-юрт осойишталигини таъминлаш йўлидаги кўп йиллик фидокорона хизматлари, жиноятчиликка қарши кураш ва уни олдини олиш борасида мардлик ва жасорат намуналарини кўрсатиб, ҳамкасбларига ўрнак бўлиб хизмат қилиб келаётган бир гуруҳ ходимлар рағбатлантирилди.
Андижон вилояти ИИБ Ахборот хизмати