“Qizlar akademiyasi” loyihasi
“Qizlar akademiyasi” loyihasi bu — xotin-qizlarni qo‘llab-quvvatlashga va shaxsiy, kasbiy hamda intellektual rivojlanishiga qaratilgan loyiha bo‘lib, ularning bilim olish va ishga joylashish imkoniyatlarini yaratishni maqsad qiladi. Loyiha xotin-qizlarning ijtimoiy faolligini oshirib, ular uchun ijodiy hamda ma’rifiy imkoniyatlar eshigini ochadi.
Loyiha asoslari;
Loyiha O‘zbekiston Respublikasi Prezidentining 2024-yil 21-fevraldagi PF-37-son farmoni asosida Yoshlar ishlari agentligi tashabbusi bilan tashkil etildi.
Loyiha maqsadi;
- Xotin-qizlar bilan ishlash tizimini takomillashtirish va ularni shaxsiy, kasbiy va intellektual rivojlanishiga yordam beruvchi yagona platforma yaratish;
- Xotin-qizlarning bo‘sh vaqtini mazmunli tashkil etish va ular uchun ijtimoiy muammolarni muhokama qilish imkonini beruvchi muloqot maydonini yaratish.
Loyihaning asosiy vazifalari;
- Xotin-qizlarni turli yoʻnalishlarda rivojlantirish hamda kasb-hunarga oʻqitish;
- Xotin-qizlarning ijtimoiy-siyosiy hayotdagi faolligini oshirish va jamiyatda ularning mavqeyini yuksaltirish;
- Sog‘lom turmush tarzini targ‘ib qilish va erta nikohlarning oldini olishga qaratilgan tadbirlarni amalga oshirish.
Maqsadli auditoriya;
Loyihaning asosiy auditoriyasi – 14-30 yoshdagi yosh ayollar, shu jumladan, uy bekalari va farzand tarbiyasi bilan band bo‘lgan ayollar.
Loyihaning komponentlari;
“Qizlar akademiyasi” loyihasi 8 moduldan iborat:
- Huquq moduli — xotin-qizlarning huquqiy bilimlarini oshirish.
- Psixologiya moduli —xotin-qizlarning ruhiy barqarorligini ta’minlash.
- Salomatlik moduli — sog‘lom turmush tarzini targ‘ib qilish va sog‘liqni saqlash bo‘yicha bilim berish.
- Tadbirkorlik moduli — moliyaviy savodxonlikni oshirish va tadbirkorlik ko‘nikmalarini rivojlantirish.
- IT va media moduli — dasturlash, grafik dizayn va video montaj kabi zamonaviy kasblarni o‘rgatish.
- Oila moduli — oilaviy masalalarda sogʻlom munosabat va muhit yaratish boʻyicha maʼlumot berish.
- Ta’lim moduli — ilmiy tadqiqot va ma’rifiy faoliyatga jalb qilish.
- Hunarmandchilik moduli — pazandachilik, tikuvchilik va boshqa hunarmandchilik sohalarida bilim berish.
Kutilayotgan natijalar;
- Ayollar o‘rtasidagi ishsizlik darajasini kamaytirish.
- O‘zbekiston iqtisodiyotida ayollarning ulushini oshirish.
- Yosh oilalar orasida ajrimlar sonini kamaytirish.
- 1 ta xorijiy til va 1 ta zamonaviy kasb tamoyili asosida xotin-qizlarning zamonaviy obrazini shakllantirish.
Maqsadli ko‘rsatkichlar;
- YouTube platformasidagi videolar jami ko‘rish soni: 5 million marta.
- YouTube sahifasining obunachilari soni: 100,000.
- Mobil ilovani yuklab olishlar soni: 100,000.
- Ro‘yxatdan o‘tgan foydalanuvchilar soni: 50,000.
- Instagram sahifasidagi jami ko‘rishlar soni: 1 million.
- Instagram obunachilari soni: 100,000.
Loyihaning ijtimoiy sahifalari;
📱 Mobil ilova:
