“USTOZ AI” loyihasi – yoshlarni zamonaviy kasblarga o‘rgatishga qaratilgan platforma bo‘lib, ularga zamonaviy bilim va ko‘nikmalarni taqdim etish orqali ularning bandligini ta'minlash va hayotga innovatsion yondashuvni shakllantirishni maqsad qiladi.

Loyiha asoslari;

Loyiha 2024-yil 21-fevralda qabul qilingan O‘zbekiston Respublikasi Prezidentining “O‘zbekiston - 2030” strategiyasini “Yoshlar va biznesni qo‘llab-quvvatlash yili” davlat dasturi to‘g‘risidagi PF-37-son farmoniga asoslanadi. Loyiha Yoshlar ishlari agentligi tashabbusi bilan tashkil etilgan.

Loyihaning maqsadi;

• Yoshlarni zamonaviy kasblarga o‘rgatadigan maxsus platformani ishga tushirish va 40 dan ortiq zamonaviy kasblarni onlayn formatda o‘rgatish.
• Yoshlarning bo‘sh vaqtlarini mazmunli o‘tkazishini ta’minlash va tashqi mehnat migratsiyasidagi yoshlarning 10%-30% qismini bandlik bilan ta’minlash.

Loyihaning asosiy vazifalari;

• Zamonaviy kasblar bilan shug‘ullanuvchi yetakchi mutaxassislarning professional videodarslarini tayyorlash va platformaga joylashtirish.
• Yoshlar o‘rtasida zamonaviy kasblarni ommalashtirish.

Loyihaning maqsadli auditoriyasi;

Loyiha 14-30 yoshdagi maktab o‘quvchilari, akademik litsey va kasb-hunar kollejlari talabalari hamda oliy ta’lim muassasalari talabalari uchun mo‘ljallangan.

Loyihani amalga oshirish bosqichlari;

1. Birinchi bosqich (2024 yil mart-may):
   • 200 ta videodarslik tayyorlash va YouTube hamda boshqa ijtimoiy tarmoqlardagi sahifalarda namoyish etish.
2. Ikkinchi bosqich:
   • Loyiha mobil ilovasini ishga tushirish va video mahsulotlar sonini 300 taga yetkazish.
3. Uchinchi bosqich (2024 yil oxiri):
   • Umumiy 1000 ta videodarslik tayyorlash.

Kutilayotgan natijalar;

• 250 ming nafar yoshlarni zamonaviy va serdaromad kasblarga o‘rgatish.
• Tashqi mehnat migratsiyasidagi yoshlarning 10%-30% qismini bandlik bilan ta’minlash.
• Har uchinchi yuqori sinf o‘quvchisini zamonaviy kasb va xorijiy tilga o‘rgatish.
• Yoshlarning zamonaviy obrazini shakllantirish: 1 xorijiy til + 1 zamonaviy kasb.

Maqsadli ko‘rsatkichlar;

• YouTube platformasidagi videolar umumiy 15 million marta ko‘riladi.
• YouTube sahifasida 250 ming obunachi yig‘ish.
• Mobil ilovani yuklab olishlar sonini 250 mingga yetkazish.
• Mobil ilovadan ro‘yxatdan o‘tgan foydalanuvchilar sonini 100 mingga yetkazish.

Loyihaning asosiy platformalari:

1. YouTube sahifa
2. Rasmiy veb-sayt
3. Instagram
4. Telegram
5.  
6. 📱 Mobil ilova: PlayMarket/AppStore

“USTOZ AI” loyihasi yoshlar uchun zamonaviy bilim va imkoniyatlar eshigini ochib, ularning muvaffaqiyatli kelajagini ta’minlashga xizmat qiladi.