Joriy yilda jami ro‘yxatdan 671 397 nafar abituriyent test sinovlarida ishtirok etish uchun ro‘yxatdan o‘tdi. Shundan 426 685 nafarini (63,6 %) joriy yil bitiruvchilari  tashkil etdi.

👨‍💼🧑‍💼 Test sinovlarida ishtirok etishi belgilangan abituriyentlarning 361 019 nafarini (53,8 %) xotin-qizlar, 310 378 nafarini  (46,2 %) erkaklar tashkil etadi.

✅ Joriy yilda  486 196  nafar (72,4 %) abituriyent test sinovida ishtirok etish uchun belgilangan to‘lovdan ozod etilgan.

🏛 Joriy yilda test topshirish hududi bo'yicha eng ko‘p Toshkent shahrida 115 989 nafar, Samarqand viloyatida 72 305  nafar, Farg‘ona viloyatida 66 383  nafar, Qashqadaryo viloyatida 62 484  nafar va Andijon viloyatida 56 025 nafar abituriyent ro‘yxatdan o‘tgan.

🪕👮‍♀️ Abituriyentlarning 39 307 nafari alohida iqtidor talab etiladigan ta’lim yo‘nalishlariga, 10 572 nafari oliy harbiy ta’lim muassasalariga o‘qishga kirish istagini bildirgan.

✅ Ro‘yxatdan o‘tishda abituriyentlar tomonidan yuklangan xalqaro sertifikatlar tekshirilib, ularning 18 854 tasi haqiqiy ekanligi aniqlandi, 3 370 ta sertifikat esa darajasi yoki turi mos kelmaganligi, muddati o‘tganligi va haqiqiyligi tasdiqlanmaganligi sababli rad etildi. 

📚 Umumta’lim fanlari bo‘yicha 85 140 nafar, chet tillari bo‘yicha esa 58 216 nafar milliy yoki xalqaro sertifikatga ega abituriyent ro‘yxatdan o‘tgan.

🧾 Joriy yilda barcha fanlardan milliy yoki xalqaro sertifikatga ega bo‘lgan 678 nafar abituriyent test sinovlaridan ozod qilinib, bevosita tanlov bosqichiga o‘tkazildi. 2024-yilda bunday imkoniyatdan atigi 1 nafar abituriyent foydalangan edi.

🏢 Joriy yilda test sinovlarini sifatli tashkil etish va o‘tkazish uchun binolar optimallashtirilib, hozirda 65 ta yopiq turdagi katta sig‘imli bino test sinovlariga tayyorlandi. Ularda bir smenada 1169 ta guruhda, 35 070 nafar, bir kunda esa 70 140 nafar abituriyent test sinovida ishtirok etadi hamda test sinovlari 10 kun davomida o‘tkaziladi.