“Yoshlar fikri – kelajak uchun” ochiq davra suhbati bo‘lib o‘tdi
2026-02-24 16:10:00 / Ma'naviy-ma'rifiy tadbirlar
Tadbirda Agentlik rahbariyati, faol yoshlar va ustoz xodimlar ishtirok etib, mamlakatimiz taraqqiyotiga qaratilgan muhim islohotlar yuzasidan fikr va takliflarini bildirdilar.
⌛ Muhokama jarayonida quyidagi yo‘nalishlarga alohida e’tibor qaratildi:
🔹 Yoshlar bandligi va faolligini qo‘llab-quvvatlash;
🔹 Ta’lim va kasb-hunar imkoniyatlarini kengaytirish;
🔹 Jamiyatda faol fuqarolik pozitsiyasini yuksaltirish;
🔹 “O‘zbekiston – 2030” strategiyasida belgilangan ustuvor vazifalarni amalga oshirishda yoshlarning ishtiroki.
✍️ Shuningdek, direktor o‘rinbosari F.Mirzayev bugungi kunda Agentlikda faoliyat yuritayotgan yoshlar orasida ilmiy-tadqiqot olib borayotganlar ko‘pligi, dasturlar doirasida sohaga qaratilgan faoliyat bo‘yicha raqamlashtirish, sun’iy intellektni qo‘llash bo‘yicha ish olib borayotgan yoshlarni qo‘llab-quvvatlash muhimligi qayd etib o‘tildi. O‘z navbatida, ustoz xodimlar davlatimiz tomonidan qabul qilingan ushbu dasturlar mohiyati, jamiyat taraqqiyotida muhim rol o‘ynashi, ta’lim va ijtimoiy hayotda ahamiyati beqiyos ekanligi hamda xalq fikri va taklifi bilan boyitilgani haqida gapirdilar.
❗️ Suhbat ochiq va samimiy ruhda o‘tdi. Yoshlar tomonidan bildirilgan tashabbus va takliflar dasturlar ijrosini ta’minlashda muhim ahamiyat kasb etishi ta’kidlandi.
✔️Bunday muloqotlar yoshlarning mamlakatimiz kelajagiga daxldorlik hissini oshirish, ularni islohotlar jarayoniga faol jalb etish va jamiyat taraqqiyotiga hissa qo‘shishga undaydi.