Bilim va malakalarni baholash agentligi ishtirokida matbuot anjumani o‘tkazildi
2026-02-25 17:15:00 / Matbuot anjumanlari
Unda Agentlik direktori o‘rinbosari F.Mirzayev, Agentlik departament boshlig‘i J.Nurmatov va Agentlik bo‘lim boshlig‘i J.Odilovlar ishtirok etdilar.
📃 Tadbirda F. Mirzayev tomonidan 2025-yilda amalga oshirilgan ishlar, erishilgan natijalar hamda tizimdagi yangiliklar yuzasidan batafsil ma’lumot taqdim etildi.
📊 Asosiy ko‘rsatkichlar:
2025-yil davomida Agentlik tomonidan 50 turga yaqin imtihonlar tashkil etilgan. Ushbu imtihon jarayonlarida 1 million 800 mingdan ortiq talabgor ishtirok etgan. Bu ko‘rsatkich tizimga bo‘lgan ishonch va talabning yuqoriligini namoyon etadi.
🆕 Spikerlar tomonidan quyidagi yangilik va o‘zgarishlar ta’kidlandi:
🔹 Umumta’lim fanlaridan milliy sertifikatlash tizimi takomillashtirildi;
🔹 Oliy ta’lim muassasalariga o‘qishga kirishda chet tillari sertifikatlari darajasi bo‘yicha yangi tartiblar joriy etildi;
🔹 Talabgorlar uchun qo‘shimcha qulaylik va imkoniyatlar yaratildi.
✍️ Mazkur o‘zgarishlar shaffof va adolatli baholash tizimini yanada mustahkamlashga xizmat qilishi qayd etildi.
❓ Savol-javoblar
Matbuot anjumani davomida jurnalistlar tomonidan:
— apellyatsiya berish tartibi
— chet tillaridan sertifikatlash, xususan B1 daraja talablari
— xorijiy fuqarolar uchun malaka sertifikati
— ikki bosqichli qabul tizimi
bo‘yicha savollar berildi. Spikerlar barcha savollarga asosli va batafsil javob qaytardilar.
🎥 Tadbir UzReport telekanali hamda uning Facebook va YouTube sahifalari orqali jonli efirda namoyish etildi.
❕ Matbuot anjumani ochiq muloqot va konstruktiv fikr almashuv ruhida o‘tdi.