Turistik klasterlarni tashkil etish va ularga turistik klaster maqomini berish
O‘zbekiston Respublikasi Vazirlar Mahkamasining
qarori
Turistik klasterlar faoliyatini tashkil etish bo‘yicha chora-tadbirlar to‘g‘risida
O‘zbekiston Respublikasi Prezidentining “O‘zbekiston — 2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturi to‘g‘risida” 2024-yil 21-fevraldagi PF-37-son Farmoni ijrosini ta’minlash, shuningdek, tashqi va ichki sayyohlar uchun qulay sharoitlar yaratish orqali ularning sonini oshirish maqsadida Vazirlar Mahkamasi qaror qiladi:
1. O‘zbekiston Respublikasi Prezidentining 2024-yil 21-fevraldagi PF-37-son Farmoni bilan tasdiqlangan “O‘zbekiston — 2030” strategiyasining Barqaror iqtisodiy o‘sish orqali aholi farovonligini ta’minlash yo‘nalishida turistik klasterlarni tashkil etish tartibini hamda ularning huquqiy maqomini belgilashni nazarda tutuvchi normativ-huquqiy hujjat loyihasini ishlab chiqish nazarda tutilganligi ma’lumot uchun qabul qilinsin.
2. Quyidagilarni nazarda tutuvchi Turistik klasterlarni tashkil etish va ularga turistik klaster maqomini berish tartibi to‘g‘risidagi nizom ilovaga muvofiq tasdiqlansin:
turistik klasterni tashkil etish, shu jumladan, ularga turistik klaster maqomini berish tartibi;
turistik klaster maqomini berish yuzasidan kelib tushgan arizalarni ko‘rib chiqish hamda qaror qabul qilish;
turistik klasterlar reyestrini yuritish tartibi.
3. Belgilansinki:
turistik klaster maqomi ushbu qarorga ilovaga muvofiq kompleks turistik xizmatlar hamda sayyohlarning ehtiyojlarini qanoatlantirish uchun zarur bo‘lgan qo‘shimcha xizmatlar ko‘rsatuvchi mustaqil tashkilotlar va (yoki) yakka tartibdagi tadbirkorlar majmuiga beriladi;
turistik klasterlar belgilangan tartibda turistik klaster maqomi to‘g‘risidagi guvohnomani olgan paytdan boshlab tashkil etilgan hisoblanadi;
O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasi (keyingi o‘rinlarda — Turizm qo‘mitasi) turistik klaster maqomini berish bo‘yicha vakolatli davlat organi hisoblanadi;
turistik klaster maqomini olish uchun tadbirkorlik subyektlarining arizalari vakolatli davlat organiga elektron shaklda yoki pochta orqali yuboriladi va bepul ko‘rib chiqiladi.
4. Turizm qo‘mitasi:
ushbu qaror bilan tasdiqlangan Nizom talablariga muvofiq tadbirkorlik subyektlariga turistik klaster maqomini berishni ta’minlasin;
turistik klaster maqomini olish uchun belgilangan talablar, arizalarni ko‘rib chiqish tartibi va qaror qabul qilish tartibi haqidagi ma’lumotlarni rasmiy veb-saytlar va ommaviy axborot vositalarida e’lon qilinishini tashkil etsin;
uch oy muddatda respublikada istiqbolli turistik klaster loyihalarini aniqlab, amalga oshirish bo‘yicha takliflar ishlab chiqsin;
mahalliy hokimliklar bilan birgalikda turistik klasterlarni tashkil etish bo‘yicha o‘z vakolatlari doirasida zarur shart-sharoitlarni yaratib borsin;
“turoperator — mehmonxona — transport — savdo va servis” xizmatlari birgalikda ko‘rsatiladigan turistik klasterlar faoliyatini yo‘lga qo‘yish, shuningdek, ularning xizmat va mahsulotlarini xalqaro turizm yarmarkalari va ko‘rgazmalarida targ‘ib qilish choralarini ko‘rib borsin.
5. Mazkur qarorning bajarilishini nazorat qilish O‘zbekiston Respublikasi ekologiya, atrof-muhitni muhofaza qilish va iqlim o‘zgarishi vaziri A.A. Abduxakimov zimmasiga yuklansin.
O‘zbekiston Respublikasining Bosh vaziri A. ARIPOV
Toshkent sh.,
2024-yil 30-dekabr,
915-son
Vazirlar Mahkamasining 2024-yil 30-dekabrdagi 915-son qaroriga
ILOVA
ILOVA
Turistik klasterlarni tashkil etish va ularga turistik klaster maqomini berish tartibi to‘g‘risida
NIZOM
1-bob. Umumiy qoidalar
1. Mazkur Nizom turistik klasterlarni tashkil etish va ularga turistik klaster maqomini berish tartibini belgilaydi.
2. Ushbu Nizomda quyidagi asosiy tushunchalar qo‘llaniladi:
ariza beruvchi — turistik klasterni tashkil etish va turistik klaster maqomini olish uchun belgilangan tartibda ariza topshirgan tadbirkorlik subyekti yoki tadbirkorlik subyektlarining vakili;
turistik klaster — kompleks turistik xizmatlar hamda turist va ekskursantning ehtiyojlarini qanoatlantirish uchun zarur bo‘lgan boshqa qo‘shimcha xizmatlar ko‘rsatuvchi yuridik shaxslar, shuningdek, yakka tartibdagi tadbirkorlar majmui;
turizm mahsuloti — turistning sayohatlari davomida uning ehtiyojlarini qanoatlantirish uchun mo‘ljallangan turistik xizmatlar, shu jumladan, turar joy, ovqatlanish, transport va ekskursiya xizmatlari, ishlari va mahsulotlari majmui;
turist — vaqtincha bo‘lish mamlakatidagi (joyidagi) manbalardan daromad olish bilan bog‘liq bo‘lgan faoliyat bilan shug‘ullanmagan holda vaqtincha bo‘lish mamlakatiga (joyiga) yigirma to‘rt soatdan ketma-ket o‘n ikki oygacha bo‘lgan davrga boruvchi yoki vaqtincha bo‘lish mamlakatida (joyida) kamida bir kecha tunab qoluvchi jismoniy shaxs;
ekskursant — vaqtincha bo‘lish mamlakatida (joyida) tunab qolmasdan yigirma to‘rt soatdan oshmaydigan davrda sayohat qiluvchi jismoniy shaxs.
3. Turistik klaster maqomi ushbu Nizomga muvofiq kompleks turistik xizmatlar hamda turistning va ekskursantning ehtiyojlarini qanoatlantirish uchun zarur bo‘lgan boshqa qo‘shimcha xizmatlar ko‘rsatuvchi mustaqil tashkilotlar hamda yakka tartibdagi tadbirkorlar majmuiga beriladi.
4. Turistik klasterlar belgilangan tartibda turistik klaster maqomi to‘g‘risidagi guvohnomani olgan paytdan boshlab tashkil etilgan hisoblanadi.
5. O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasi (keyingi o‘rinlarda — vakolatli organ) turistik klaster maqomini berish bo‘yicha vakolatli organ hisoblanadi.
6. Turistik klasterlarni tashkil etish va ularga turistik klaster maqomini berish ushbu Nizomga 1-ilovadagi sxemaga muvofiq amalga oshiriladi.
2-bob. Turistik klasterlarni tashkil etish va turistik klaster maqomini olish uchun qo‘yiladigan talablar
7. Turistik klasterlarni tashkil etish va turistik klaster maqomini olish uchun tadbirkorlik subyektlari quyidagi talablarga javob berishi lozim:
a) turistik klaster faoliyati turoperator — mehmonxona — transport — xizmatlarini ko‘rsatish bilan to‘liq qamrab olinganligi;
b) turistik klaster hududida sig‘imi kamida 40 nafar mehmon uchun mo‘ljallangan joylashtirish vositasining mavjudligi;
v) turistik klaster hududida mahalliy hunarmandchilik mahsulotlarini (esdalik sovg‘alari) sotish shoxobchalari (kamida bitta savdo nuqtasi) mavjudligi;
g) turistik klaster hududida turizmning quyidagi turlaridan biri tashkil etilganligi:
ekologik turizm (geoturizm);
agroturizm (qishloq);
etnografik turizm;
madaniy va tarixiy turizm;
rekreatsion turizm;
tibbiy (sog‘lomlashtirish) turizm;
d) turistik klaster hududi va xizmat ko‘rsatish jarayonida turistlar (ekskursantlar) xavfsizligi ta’minlanganligi;
e) turistlar (ekskursantlar) uchun qo‘shimcha ko‘ngil ochar shart-sharoitlar (otlar, tuyalar, transport, velosipedlar, qayiqlar, katamaranlar va boshqalar ijarasi) yaratilganligi;
j) turistlar tomonidan joylashtirish vositalaridagi joylarni oldindan band qilish va ko‘rsatiladigan turistik xizmatlarga buyurtma berish imkoniyatining mavjudligi.
3-bob. Turistik klasterlarni tashkil etish va turistik klaster maqomini olish uchun ariza berish, uni ko‘rib chiqish va qaror qabul qilish tartibi
8. Ariza beruvchi elektron shaklda yoki pochta orqali ushbu Nizomga 2-ilovaga muvofiq shakldagi ariza bilan vakolatli organga murojaat qiladi. Ariza beruvchi bir nechta tadbirkorlik subyektlari nomidan murojaat qilganida kompleks turistik va boshqa qo‘shimcha xizmatlarni ko‘rsatuvchi yuridik shaxslarning turistik klasterni tashkil etishga roziligini tasdiqlovchi hujjatni (bayonnoma, rozilik xati yoki ishonchnoma) asos sifatida taqdim etadi.
Bunda arizaga ushbu Nizomning 7-bandida belgilangan turistik xizmatlar yo‘lga quyilganligini tasdiqlovchi ma’lumotlar ilova qilinishi lozim.
Ariza beruvchidan ushbu bandda ko‘zda tutilmagan ma’lumotlarni taqdim etish talab qilinishiga yo‘l qo‘yilmaydi.
9. Ariza beruvchi tomonidan ushbu Nizomning 7-bandida nazarda tutilgan ma’lumotlarning (to‘liq) taqdim etilmasligi yoki noto‘g‘ri ma’lumotlar taqdim etilishi arizani ko‘rib chiqishni rad etish uchun asos bo‘ladi.
10. Vakolatli organ tomonidan arizani ko‘rib chiqish rad etilgan taqdirda, uni rad etish uchun asos bo‘lgan sabablar aniq ko‘rsatilishi lozim. Bunda vakolatli organ arizani ko‘rib chiqish rad etilganligi to‘g‘risidagi xabarnomani bir ish kuni ichida ariza beruvchiga yuboradi.
Ariza beruvchi arizani ko‘rib chiqishni rad etish to‘g‘risida xabarnomani olgan kundan boshlab, bir oy ichida ko‘rsatilgan kamchiliklarni bartaraf etib, ularning bartaraf etilganligini tasdiqlovchi tegishli hujjatlarni ilova qilgan holda, vakolatli organga takroran ariza bilan murojaat qilishi mumkin.
11. Vakolatli organ arizani ko‘rib chiqish uchun markaziy apparat rahbar xodimlari hamda turizm sohasidagi nodavlat notijorat tashkilotlari vakillaridan iborat tarkibda (kamida 7 nafar) komissiya tuzadi.
12. Vakolatli organining rahbari komissiya raisi hisoblanadi.
13. Komissiya reglamenti vakolatli organ rahbari tomonidan tasdiqlanadi.
14. Komissiya ariza kelib tushgan kundan boshlab ariza beruvchini xabardor qilgan holda, yetti ish kuni ichida vakolatli organning hududiy boshqarmasi (keyingi o‘rinlarda — hududiy boshqarma) tomonidan tegishli turistik obyektning ushbu Nizom talablariga mos kelishi joyiga chiqqan holda o‘rganilishini tashkil etadi.
15. Hududiy boshqarma o‘rganish natijasi bo‘yicha uch ish kuni ichida turistik obyektning ushbu Nizom talablariga mos kelishi (kelmasligi) haqida xulosa tayyorlaydi hamda komissiyaga ko‘rib chiqish uchun taqdim etadi.
16. Komissiya hududiy boshqarma tomonidan taqdim etilgan xulosani ko‘rib chiqib, besh ish kuni ichida ariza beruvchiga turistik klaster maqomini berish yoki berishni rad etish to‘g‘risida qaror qabul qiladi.
17. Komissiyaning qarori uning yig‘ilishi bayoni bilan tasdiqlanadi.
18. Komissiya turistik klaster maqomini berishni rad etish to‘g‘risida qaror qabul qilgan taqdirda, kamchiliklarni bartaraf etish bo‘yicha tavsiyalar ishlab chiqadi va uch ish kuni ichida ariza beruvchiga yuboradi.
19. Vakolatli organ uch ish kuni ichida komissiyaning turistik klaster maqomini berish haqidagi qaroriga asosan ushbu Nizomga 3-ilovadagi namunaga muvofiq ariza beruvchiga turistik klaster maqomini berish to‘g‘risidagi guvohnomani taqdim etadi.
4-bob. Turistik klasterlarning yagona reyestrini yuritish tartibi
20. Turistik klasterlarning yagona reyestri vakolatli organ tomonidan yuritiladi.
21. Turistik klasterlarning yagona reyestrida quyidagilar ko‘rsatiladi:
turistik klasterlar to‘g‘risidagi asosiy ma’lumotlar;
turistik klaster maqomi berilgan sana va tartib raqami;
turistik klasterlar tomonidan ko‘rsatiladigan turistik xizmatlar turlari va boshqalar.
22. Turistik klasterlarning yagona reyestrida mavjud bo‘lgan ma’lumotlar vakolatli organning rasmiy veb-saytiga joylashtiriladi.
5-bob. Yakunlovchi qoidalar
23. Turistik klasterlar faoliyatini nazorat qilish qonunchilik hujjatlarida belgilangan tartibda amalga oshiriladi.
24. Mazkur Nizomni qo‘llashda yuzaga keladigan nizolar qonunchilikda belgilangan tartibda hal etiladi.
25. Mazkur Nizom talablari buzilishida aybdor bo‘lgan shaxslar qonunchilik hujjatlarida belgilangan tartibda javob beradilar.
Turistik klasterlarni tashkil etish va ularga turistik klaster maqomini berish tartibi to‘g‘risidagi nizomga
1-ILOVA
1-ILOVA
Turistik klasterlarni tashkil etish va ularga turistik klaster maqomini berish
SXEMASI
|
Subyektlar |
|
Tadbirlar |
|
Bajarish muddati |
|
|
|
|||
|
|
|
|
|
|
|
Ariza beruvchi (tadbirkorlik subyekti) |
|
Turizm qo‘mitasiga elektron shaklda yoki pochta orqali ariza bilan murojaat qiladi. |
|
Ariza beruvchining xohishiga ko‘ra |
|
|
|
|||
|
|
|
|
|
|
|
Turizm qo‘mitasining hududiy boshqarmasi |
|
1. Ariza beruvchini xabardor qilgan holda, tegishli turistik obyektning ushbu Nizom talablariga mos kelishini joyiga chiqqan holda o‘rganadi. |
|
7 ish kuni ichida |
|
|
2. O‘rganish natijasi bo‘yicha turistik obyektning belgilangan talablarga mos kelishi (kelmasligi) haqida xulosa tayyorlaydi hamda komissiyaga ko‘rib chiqish uchun taqdim etadi. |
|
3 ish kuni ichida |
|
|
|
|
|
|
|
|
Komissiya |
|
1. Hududiy boshqarma tomonidan taqdim etilgan xulosani ko‘rib chiqib, ariza beruvchiga turistik klaster tashkil etish hamda turistik klaster maqomini berish yoki berishni rad etish to‘g‘risida qaror qabul qiladi. |
|
5 ish kuni ichida |
|
|
2. Turistik klaster tashkil etish hamda turistik klaster maqomini berishni rad etish to‘g‘risida qaror qabul qilgan taqdirda, kamchiliklarni bartaraf etish bo‘yicha tavsiyalar ishlab chiqadi va ariza beruvchiga yuboradi. |
|
3 ish kuni ichida |
|
|
|
|
|
|
|
|
Turizm qo‘mitasi |
|
Komissiyaning qaroriga asosan tadbirkorlik subyektiga turistik klaster tashkil etish hamda turistik klaster maqomini berish to‘g‘risidagi guvohnomani beradi. |
|
3 ish kuni ichida |
|
|
|
Turistik klasterlarni tashkil etish va ularga turistik klaster maqomini berish tartibi to‘g‘risidagi nizomga
2-ILOVA
2-ILOVA
|
Turistik klaster maqomini olish uchun ariza |
|||||
|
1. |
Ariza beruvchi tadbirkorlik subyektining nomi: Shu jumladan, a) mehmonxona (joylashtirish) xizmatini ko‘rsatuvchi b) transport xizmatini ko‘rsatuvchi v) turoperator xizmatini ko‘rsatuvchi g) savdo va servis xizmatini ko‘rsatuvchi |
|
|||
|
2. |
Ariza beruvchi tadbirkorlik subyektlarining litsenziya (sertifikat) raqami va sanasi |
|
|||
|
3. |
Turistik klaster nomlanishi |
|
|||
|
4. |
Turistik klaster joylashuvi (xarita bo‘yicha kenglik va uzunlik) |
|
|||
|
5. |
Maydoni (gektar)/sig‘imi (nafar) |
|
|||
|
6. |
Manzili |
|
|||
|
7. |
Turistik klaster maqomini olish uchun amalga oshirilgan ishlar |
|
|||
|
8. |
Tegishli hududda ko‘rsatiladigan turizm xizmatlarining ro‘yxati |
|
|||
|
9. |
Turistik klasterni rivojlantirishning istiqbolli rejasi mavjudligi va uning qisqacha mazmuni |
|
|||
|
|
|
|
|||
|
________________________________________________________ |
__________ |
|
|||
| Ariza beruvchi tadbirkorlik subyekti rahbari yoki vakilining F.I.O. | imzosi |
M.O‘ |
|||
|
|
|
20___ yil “___”_________ |
|||
Turistik klasterlarni tashkil etish va ularga turistik klaster maqomini berish tartibi to‘g‘risidagi nizomga
3-ILOVA
3-ILOVA
(Qonunchilik ma’lumotlari milliy bazasi, 08.01.2025-y., 09/25/915/0016-son)
