Ko‘p beriladigan savollarga javoblar
Turoperatorlik faoliyatini amalga oshirish uchun litsenziya talab etiladimi?
O‘zbekistonda turoperatorlik va turagentlik faoliyatini amalga oshirish uchun litsenziya olish tartibi Vazirlar Mahkamasining 2020 yil 10 iyuldagi 433-sonli qarori bilan belgilangan.
2025 yil 30 aprelda qabul qilingan qonun loyihasiga ko‘ra, endilikda turagentlik faoliyatini amalga oshirish uchun litsenziya olish tartibi bekor qilinib, uning o‘rniga xabarnoma yuborish tartibi joriy etiladi.
Turagentlik faoliyati uchun litsenziya kerakmi?
2025-yil 30-apreldan boshlab O‘zbekiston Respublikasida turagentlik faoliyati uchun litsenziya talabi bekor qilindi. Turagentlik faoliyatini boshlaganlik yoki tugatganlik haqida xabarnoma yuborish tartibi joriy etildi.
Xabar berish tartibi «Litsenziyalash, ruxsat etish va xabardor qilish tartib-taomillari to‘g‘risida»gi qonun loyihasida ko‘zda tutilgan bo‘lib, Adliya vazirligi tomonidan ishlab chiqilgan.
Xostel yoki mehmon uyi ochish uchun qanday talablar mavjud?
O‘zbekistonda xostel yoki mehmon uyi ochish uchun talablar Vazirlar Mahkamasining 2023 yil 27 noyabrdagi 622-sonli qarori bilan belgilangan.
Turistik xizmatlar shartnomasi qanday tuziladi?
Turistik xizmatlar faqat yozma shartnoma asosida ko‘rsatiladi. Shartnomada xizmat turi, narxi, muddati, tomonlarning huquq va majburiyatlari, javobgarlik choralari ko‘rsatilishi shart.
O‘zbekiston Respublikasining “Turizm to‘g‘risida”gi Qonuni 18.07.2019 yildagi O‘RQ-549-son
Turistik xizmatlar sifatsiz ko‘rsatilsa, iste’molchi nima qilishi mumkin?
Iste’molchi kamchiliklarni bartaraf etish, xizmat narxini kamaytirish yoki yetkazilgan zararni qoplashni talab qilish huquqiga ega. Nizo holatida sudga yoki iste’molchilar huquqini himoya qiluvchi organlarga murojaat qilish mumkin.
O‘zbekiston Respublikasining “Turizm to‘g‘risida”gi Qonuni 18.07.2019 yildagi O‘RQ-549-son
Gid (ekskursovod) faoliyatini amalga oshirish uchun qanday talablar qo‘yiladi?
Gid (gid-tarjimon), ekskursiya rahbari va yo‘riqchi-yo‘l boshlovchilar uchun malaka talablari Vazirlar Mahkamasining 2020 yil 10 iyuldagi 433-son qarori bilan tasdiqlangan Nizomda keltirilgan.
