O‘zbekiston Respublikasi Prezidenti rahbarligida 2023-yil 11-aprel kuni “Yoshlar siyosati sohasidagi ishlar natijadorligini oshirish hamda ular bilan ishlash tizimini yanada takomillashtirish chora-tadbirlari” yuzasidan o‘tkazilgan videoselektor yig‘ilishida vazirlik va idoralar, hokimliklar, sektor rahbarlariga joylarda yoshlar bilan ishlash bo‘yicha bir qator topshiriqlar belgilangan.

Ushbu topshiriqlardan kelib chiqib, Turizm qo‘mitasi tizimida yangicha yondashuv asosida 2024-yil yoshlarga oid davlat siyosatini amalga oshirish yuzasidan 8 ta ustuvor yo‘nalishdagi maxsus chora-tadbirlar dasturi tasdiqlandi.

Turizm qo‘mitasi tomonidan Yoshlar bilan ishlash bo‘yicha tizimli ishlar tashkil qilindi. Jumladan, O‘zbekiston Respublikasi Prezidentining “Ichki turizm xizmatlarini diversifikatsiya qilishga oid qo‘shimcha chora-tadbirlar to‘g‘risida”gi PQ-232-son qaroriga asosan har yili, yanvar oyining birinchi dekadasi va mart oyining uchinchi dekadasida–“Yoshlar turizmi haftaligi”ni, iyul oyida esa “Yoshlar turizmi oyligi”ni o‘tkazib borish yo‘lga qo‘yilgan.

Yoshlar (7-30 yosh) o‘rtasida “Yoshlar turizmi oyligi”va “Yoshlar turizmi haftaligi” tadbirlari doirasida o‘quvchi, talaba va yoshlarning sayohat guruhlarini tashish maxsus jihozlangan xizmat avtomobillarida ichki ishlar organlari hamrohligida amalga oshirilishi belgilandi.

Ta’til vaqtida respublikaning diqqatga sazovor joylariga mavsumiy imtiyozli sayohat paketlarini tashkil etishga qaratilgan tashkiliy chora-tadbirlar amalga oshirilmoqda.

Madaniy meros obyektlari, muzeylar, teatr va kinoteatrlarga yoshlarning jamoaviy tashriflari tashkil etilmoqda.

Shuningdek, nogironligi bo‘lgan yoshlarning respublikamiz bo‘ylab sayohat qilishlari uchun zarur tashkiliy va amaliy chora-tadbirlar amalga oshirilmoqda. Jumladan, O‘zbekiston Respublikasi Prezidentining 2024 yil 12 yanvardagi “O‘zbekiston Respublikasida to‘siqsiz turizm infratuzilmasini rivojlantirish va uni rag‘batlantirish chora-tadbirlari to‘g‘risida”gi PQ-20-sonli qaroriga asosan joriy yil yakuniga qadar respublikaning barcha hududlaridagi turizm obyektlarida surdotarjimonlar uchun planshet xarid qilish, audiogid xizmatini yo‘lga qo‘yish, panduslar o‘rnatish, sanitariya-gigiena shoxobchalarini to‘liq moslashtirish ishlari amalga oshirish belgilangan.

Yoshlarning madaniy meros obyektlari va muzeylarga tashrifi davomida mahorat darslarini tashkil qilish va o‘tkazish, tariximizni jonli ko‘rsatuvchi teatrlashtirilgan tomoshalar namoyishini yo‘lga qo‘yish tizimi yaratilgan.

Har yili “Yoshlar turizmi oyligi” doirasida “Yoshlar turizmi” qurultoyi tashkil etiladi. Bunda, xorijiy davlatlardan 200 nafarga yaqin, respublikaning har bir hududidan 50 nafardan ortiq, jami 1000 nafarga yaqin iqtidorli, ijtimoiy himoyaga muhtoj, shu jumladan nogironligi bo‘lgan hamda “Yoshlar daftari”ga kiritilgan o‘quvchi, talaba va yoshlar jalb qilinadi.

Kitobxonlik kunlari, milliy va etnosport turlari bo‘yicha sport musobaqalari hamda madaniy-ko‘ngilochar tadbirlar tashkil etish tizimi yo‘lga qo‘yilgan.

Yuqori natijalarga erishgan hamda yoshlarga o‘rnak ko‘rsatadigan sportchilar va murabbiylar hamda san’at va madaniyat, ilm-fan va biznes sohasi namoyandalari ishtirokida “mahorat darslari” o‘tkazilishi yo‘lga qo‘yilgan.

Yoshlar uchun biznesni tashkil qilish, hunarmandchilik mahsulotlarini tayyorlash bo‘yicha davra suhbatlari tashkil etib borilmoqda.

Yoshlar va bolalar bilan taniqli teatr va kino ijodkorlarining ijodiy muloqotlari uyushtiriladi.

“Yoshlar turizmi” qurultoyi tashkil etiladigan va unga yaqin hududdagi (viloyat, shahar) turizm namoyishi obyektlariga sayohatlar tashkil etish tizimi yo‘lga qo‘yilgan.

Xususan, 2024 yil yanvar oyining birinchi dekadasi va mart oyining uchinchi dekadasida – “Yoshlar turizmi haftaligi” tadbirlari o‘tkazildi.

Haftalik doirasida 936, 6 ming nafar o‘quvchi, 7 yoshdan dan 30 yoshgacha bo‘lgan talaba va yoshlarning ziyoratgoh va qadamjolar, tarixiy va diqqatga sazovor joylariga sayohati tashkil etildi.

Sayohatga birinchi navbatda “Temir daftar”, “Ayollar daftari”, “Yoshlar daftari”ga kiritilgan oilalarning va nogironligi bo‘lgan o‘quvchilar, respublika, viloyat, tuman va shahar fan olimpiadalarida yuqori natija ko‘rsatgan yoshlar jalb etildi. Sayohatlar o‘quvchi-yoshlarning “uyidan-sayohatga-sayohatdan-uyigacha” tamoyili asosida to‘liq jarayonlarni qamrab olgan dastur va reja-jadvallar asosida amalga oshirildi.

Sayohat davomida 348,9 ming nafar yoshlar va bolalar madaniy meros obyektlariga, 174,3 ming nafar muzeylarga, 152,2 ming nafar teatrlarga va 136,7 ming nafar kinoteatrlarga tashriflari bepul amalga oshirildi.

Yoshlar uchun yuqori natijalarga erishgan va yoshlarga o‘rnak ko‘rsatadigan ilm-fan namoyondalari ishtirokida 668 ta, hunarmandchilik mahsulotlarini tayyorlash bo‘yicha 858 ta “mahorat dars”lari tashkil etildi.

Yoshlarning madaniy meros obyektlari va muzeylarga tashrifi davomida ko‘ngilochar musiqiy chiqishlar tashkil qilindi, o‘quvchilarda vatanparvarlik tuyg‘ularini shakllantiradigan tariximizni jonli ko‘rsatuvchi 806 ta teatrlashtirilgan tomoshalar namoyish etildi.

Yoshlarning harakatlanishi va hududlarga tashrifi jarayonida 3 259 nafar malakali gidlar ishtirokida hududlarning tarixiy obidalari, tarixiy shaxslari hamda keyingi yillarda amalga oshirilayotgan bunyodkorlik ishlari haqida ma’lumotlar bilan tanishtirildi.

Tashkiliy qo‘mita tomonidan haftalik va uning doirasida tadbirlarni yuqori saviyada tashkil etish maqsadida Respublika shtabi va ishchi guruhlari faoliyati samarali yo‘lga qo‘yildi. O‘quvchi-yoshlarning sayohat tadbirlarini yuqori saviyada tashkil etish va o‘tkazish bo‘yicha barcha chora-tadbirlar muvofiqlashtirildi. Tadbirni o‘tkazish bilan bog‘liq bo‘lgan boshqa tashkiliy vazifalar hal qilindi, ziyoratgoh va qadamjolarni o‘zaro bog‘lagan ichki turizm sayohat dasturlari hamda ishtirokchilar uchun respublikaning diqqatga sazovor joylariga mavsumiy imtiyozli sayohat paketlari ishlab chiqilib, ommalashtirildi.

Haftalik va uning doirasida tadbirni tashkil etish va o‘tkazish bo‘yicha tuman (shahar)larda mahalliy va Qoraqalpog‘iston Respublikasi, viloyatlar va Toshkent shahrida hududiy shtablar faoliyati yo‘lga qo‘yilib, kunlik axborot respublika shtabiga yetkazildi. Shtablar tomonidan yoshlarning ro‘yxati va guruhlar shakllantirilib, jarayon to‘liq muvofiqlashtirildi. Yuzaga kelgan muammolar tezkorlik bilan bartaraf etish maqsadida vazirlik va idoralar hamda hududlarda shtablarning faoliyati yo‘lga qo‘yilib, kunu-tun navbatchilik tashkil etildi.

Sayyohat guruhlarining joylarda ovqatlantirish choralari tashkil etildi, bunda sanitariya epidemiologiya markazi va tibbiyot xodimlari tomonidan ko‘rikdan o‘tgan tayyor oziq-ovqat mahsulotlari bilan ta’minlandi.

Haftalik va uning doirasidagi tadbirlar bilan bog‘liq barcha obyektlarda va ularning atrof-hududlarida jamoat tartibini saqlash va xavfsizligini ta’minlash, favqulodda vaziyatlarning oldini olish hamda ishtirokchilarning harakatlanish vaqtida avtotransport vositalarida, mehmonxona, ovqatlanish joylarida xavfsizlikni ta’minlash bo‘yicha tegishli chora-tadbirlar amalga oshirildi.

2024-yil yanvar-avgust oylarida respublika bo‘ylab “Yoshlar turizmi oyligi” o‘tkazilishi munosabati bilan hamda tadbirni targ‘ibot qilish maqsadida Qo‘mita tomonidan “Yoshlar turizmi oyligi” to‘g‘risida videorolik ishlab chiqilib, Qo‘mitaning ijtimoiy tarmoqlardagi rasmiy sahifalari va boshqa OAV sahifalarida yoritildi.

Oylik doirasida respublika bo‘ylab umumiy ovqatlanish shoxobchalari hamda joylashtirish vositalari tomonidan 40 foizgacha ixtiyoriy chegirmalar joriy etilib, Qo‘mitaning rasmiy veb saytida e’lon qilindi.

Oylik doirasida 1,25 mln nafar o‘quvchi, talaba va yoshlarning ziyoratgoh va qadamjolar, tarixiy va diqqatga sazovor joylariga sayohatlari tashkil etildi. Sayohat davomida 398,6 ming nafar yoshlar madaniy meros obyektlariga, 241,2 ming nafar yoshlar muzeylarga, 103,3 ming nafar yoshlar teatrlarga va 91,6 ming nafar yoshlarning kinoteatrlarga jamoaviy tashriflari amalga oshirildi.

Oylik doirasida respublika bo‘ylab 7 062 ta mahorat darslari va tariximizni jonli ko‘rsatuvchi teatrlashtirilgan tomoshalar tashkil etildi.

Oylikka jalb qilingan yoshlar mamlakatimizning diqqatga sazovor joylari hamda keyingi yillarda amalga oshirilayotgan bunyodkorlik ishlari haqidagi ma’lumotlar bilan tanishtirildi.

Tadbirni o‘tkazish bilan bog‘liq bo‘lgan boshqa tashkiliy vazifalar hal qilindi, ziyoratgoh va qadamjolarni o‘zaro bog‘lagan ichki turizm sayohat dasturlari hamda ishtirokchilar uchun respublikaning diqqatga sazovor joylariga mavsumiy imtiyozli sayohat paketlari ishlab chiqilib ommalashtirildi.

Oylik va uning doirasidagi tadbirlar ommaviy axborot vositalari, xususan ijtimoiy tarmoqlar orqali keng yoritildi.

2024-yil 8 - 13-avgust kunlari Qashqadaryo viloyatining Shahrisabz tumanidagi “Lochin” bolalar sog‘lomlashtirish oromgohida “Yoshlar kelajak bunyodkorlari!” III Ekologiya va turizm xalqaro qurultoyi tadbiri o‘tkazildi.

Mazkur tadbirda 1 000 dan ziyod ishtirokchilar, shundan 100 nafarga yaqin xorijiy (Turkiya, Qozog‘iston, Tojikiston, Qirg‘iz Respublikalari va boshqa davlatlar vakillari), 20 dan ziyod xorijiy mehmonlar, shuningdek, 30 ta ommaviy axborot vositalari vakillari (shundan 6 tasi xorijiy) qatnashdi.

Ushbu xalqaro tadbir dasturiga muvofiq, “Biz, bir jamoamiz – salom qurultoy” shiori ostida har bir hudud o‘zining tashrif namoyishi, “Eng yaxshi turizm loyihasi” tanlovi, “Eko-turizm kvest” loyihasi, “Eng yaxshi ekologik loyiha” tanlovi, “Munozara”, “Zakovat” intellektual o‘yinlari, “Siz eko-qonunlarni bilasizmi?” ko‘rik-tanlovi, “Yoshlar spartakiadasi” ommaviy sport o‘yinlari, Respublika “Yosh ekologlar” harakati va “Yosh turizm elchilari” Kengashi raisligiga saylovlar, “Yulduzlar bilan uchrashuv” madaniy dasturi va “Xalqlar do‘stligi” raqslar festivali, “Toza yurt-obod yurt” plogging aksiyasi hamda Birlashgan Millatlar Tashkiloti modeli rezolyutsiya qabul qilish marosimlari tashkil etildi.

Yuqoridagi tadbirlar tafsilotlari haqida “O‘zbekiston 24”, “UzReport”, “MY5”, “Renessans TV”, “Sevimli”, “Yoshlar”, “Dunyo bo‘ylab”, telekanallari tomonidan ko‘rsatuv va lavhalar tayyorlanib, “Kun.uz”, “dunyo.info”, “Tez News”, “Zamon.uz”, “Uz24”, “sputniknews”, “Xabar.uz”, “Gazeta.uz”, “UzA”, “Yangi O‘zbekiston” va boshqa xorijiy axborot agentliklar va blogerlar tomonidan hamda Qo‘mitaning veb-sahifasi, hududiy bo‘linmalarning ijtimoiy tarmoqlardagi guruhlarida va Ekologiya vazirligi, Qashqadaryo viloyati hokimligining sahifalari orqali keng yoritildi.

Ta’lim yo‘nalishi:

Hozirda 30 ta oliy ta’lim muassasasida 11,5 ming nafar talaba va professional ta’limda 2 mingdan ortiq o‘quvchilar turizm yo‘nalishida ta’lim olmoqda.

2024-yilda O‘zbekiston Respublikasi Prezidentining “Turizm sohasida kadrlar tayyorlash tizimini takomillashtirish chora-tadbirlari to‘g‘risida”gi qarori qabul qilindi.

Bu orqali yoshlarga sohada yetakchi bo‘lgan davlatlar tajribasidan kelib chiqib turizmga oid ta’lim berish sifatini oshirishga erishish ko‘zlangan.

2024-2025-o‘quv yilida Oliy ta’lim, fan va innovatsiyalar vazirligi bilan birgalikda turizm ta’limi dasturlari QS Jahon universitetlari reytingida TOP-100talikka kiruvchi Le Rosh, Lyusern universiteti, Lozanna mehmondo‘stlik biznesi maktabi kabi ta’lim muassasalari standartlari asosida qayta ishlab chiqildi.

o‘quv jarayoniga “blok-modul” tizimi asosida dual ta’lim shakli joriy etildi. Ya’ni, talabalarga semestrning 2 oyi davomida universitetda nazariy ta’lim olish, qolgan 4 oyda bo‘lajak ish joyi mehmonxona, turoperator va boshqalarda amaliy bilimlar olish imkoniyati yaratildi.

Bundan tashqari, bu yildan boshlab universitetlarning o‘zida ham “amaliyot bazalari” tashkil etishga, Ya’ni universitetlarning o‘zida ham turoperator, turagent, gid-tarjimon, transport va mehmonxona xizmatlarini tashkil etishga ruhsat berildi.

Kelgusi yilda sohada ishlayotgan kadrlar salohiyatini oshirish maqsadida:

-Jahonda yetakchi bo‘lgan “Pearson”, “Swiss Education Group” kabilarning “franshiza”lari jalb qilinadi.

- Har yili kamida 20 ta yosh mehmonxona menejerlarining xorijda malaka oshiradi;

-oshib borayotgan sayyohlar oqimi inobatga olib Qo‘mita mablag‘laridan 2 milliard so‘m yo‘naltirib, “Ipak yo‘li” va yana 6 ta universitetda xitoy, arab, yapon, hind, ispan, italyan, koreys, portugal, urdu, indonez va malay tillarida 1,3 ming nafar yosh gid-tarjimonlarni tayyorlaymiz.