Namanganda IV Xalqaro asal festivali boshlandi
2025-10-24 14:30:00 / Yangiliklar
Tantanali ochilish marosimida xorijlik mehmonlar, viloyat jamoatchiligi qatnashdi.
Tadbir avvalida viloyat hokimi Shavkatjon Abdurazzoqov so‘zga chiqib, bu kabi festivallarning ahamiyati, turizm rivojidagi hissasi, ayniqsa, soha vakillariga asal yetishtirish barobarida asalarichilik hunarmandchiligi buyumlarini tayyorlash kabi ilm va hunar uyg‘unlashgan o‘ziga xos maktab, ham maydoni sifatida muhim rol o‘ynashini ta’kidladi.
Bu yilgi festivalda tashkil etilgan 100 dan ziyod pavilonlarda 150 dan ortiq mahalliy va xorijiy asalarichilar o‘z mahsulotini taqdim etmoqdalar. Ular orasida Qirg‘iziston, Qozog‘iston, Turkiya, Xitoy va Rossiya davlatlaridan kelgan soha vakillari ko‘pchilikni tashkil etadi.
Festival doirasida asalarichilikka bag‘ishlangan ilmiy-amaliy konferensiyalar, sport tadbirlari, bo‘sh ish o‘rinlari yarmarkasi, hunarmandlar ko‘rgazmasi, konsertlar, mahorat darslari va turli tanlovlar o‘tkazilishi rejalashtirilgan.
Festivalga 2,5 mingga yaqin xorijiy va 10 mingga yaqin mahalliy sayyoh tashrifi kutilmoqda.
Festival 26 oktyabrga qadar davom etadi.