Indoneziyalik öquvçilar Özbekistonning tarixiy şaharlari va turizm salohiyati bilan tanişdi
2026-11-14 12:30:00 / Yangiliklar

Tadbir doirasida indoneziyalik öquvçilarga mamlakatimizning boy turistik salohiyati, tarixiy-madaniy merosi, milliy anʼanalari va sayyohlik yönalişlari haqida keng maʼlumot berildi.
Özbekiston Respublikasining Indoneziyadagi Elçixonasi tomonidan taqdim etilgan “Discover Uzbekistan” loyihasi orqali öquvçilar yurtimizning qadimiy şaharlari – Samarqand, Buxoro va Xivaning betakror meʼmoriy obidalari, Buyuk Ipak yöli merosi hamda Toşkentning zamonaviy qiyofasi bilan yaqindan tanişdi. Şuningdek, maktabda Özbekistonning tarixiy yodgorliklari va milliy madaniyatini aks ettiruvçi maxsus sinf xonasi taşkil etildi.
Taqdimot davomida mamlakatimizning ziyorat, madaniy-maʼrifiy, gastronomik va boşqa turizm yönalişlaridagi imkoniyatlari ham yoritildi. Imom Buxoriy, Imom Termiziy, Muhammad al-Xorazmiy va Mirzo Uluğbek kabi buyuk allomalar merosi orqali Özbekistonning jahon sivilizatsiyasi rivojidagi örni haqida söz yuritildi.
Alohida taʼkidlangan jihatlardan biri – Indoneziya fuqarolari uçun Özbekistonga 30 kungaça vizasiz taşrif buyuriş imkoniyati böldi. Bu esa ikki mamlakat yoşlari va sayyohlari örtasidagi aloqalarni kengaytiriş, Özbekistonning turistik yönaliş sifatidagi jozibadorligini oşiriş uçun qöşimça imkoniyat yaratadi.
Bunday madaniy-maʼrifiy loyihalar Özbekistonning xalqaro turizm salohiyatini xorijiy auditoriyaga tanitiş, yoş avlodda mamlakatimizga qiziqiş uyğotiş va kelgusidagi sayyohlik taşriflari uçun zamin yaratişga xizmat qiladi.


