Yangi Toşkent va Samarqanddagi “Şirin” massivida mehmonxona va turizm loyihalari uçun yangi imtiyozlar joriy etildi
2026-11-13 20:10:00 / Yangiliklar

Farmonga köra, Yangi Toşkent şahri hamda Samarqand şahridagi “Şirin” massivida qiymati 50 million dollardan kam bölmagan yirik loyihalar uçun maxsus huquqiy rejim joriy etiladi. Bu rejim qöllanadigan loyihalar toifalari orasida mehmonxona majmualari, tematik köngiloçar parklar, dam oliş maskanlari va integratsiyalaşgan kurort zonalari ham bor. Savdo, turizm va xizmat körsatiş loyihalarida yetakçi xalqaro brendlar jalb qilinişi, buning uçun huquq egalari bilan dastlabki kelişuvga erişilgan bölişi şart.
Hujjat xalqaro mehmonxona brendlari uçun alohida şartni ham nazarda tutadi. Dunyodagi eng yirik 50 ta mehmonxona brendi yoki 5 ta mehmonxona tarmoği reytingiga kiruvçi kompaniyalar loyihasi 50 million dollardan kam bölsa ham, maxsus rejim imtiyozlaridan foydalanişi mumkin.
Maxsus rejim doirasidagi loyihalarga qator yengilliklar beriladi. Jumladan, mol-mulk va yer soliğidan 20 yilga ozod qiliş, obʼektlarni ijaraga beriş yoki sotişdan olingan daromadga 5, 10 yoki 15 yil davomida 1 foizlik foyda soliği stavkasini qöllaş, quriliş uçun olib kiriladigan jihoz va materiallarni bojxona bojlaridan ozod qiliş, yer uçastkalarini auksion yoki tanlov orqali 49 yilgaça ijaraga beriş şular jumlasidandir.
Farmonda turizm infratuzilmasini rivojlantirişga oid alohida çoralar ham belgilandi. Maxsus hududlarda turizm obʼektlari taşkil etilişini rağbatlantiriş, mehmonxonalar sonini köpaytiriş va xizmat sifatini oşiriş maqsadida Prezidentning PQ-238-son qarori (2023-yil 27-iyul) 2-bandida nazarda tutilgan imtiyoz va moliyaviy kömaklar muddati uzaytirildi. Unga köra, yangi mehmonxona quruvçi investorlarning xarajatlari quyidagi miqdorlarda qoplab beriladi:
- 3 yulduzli toifadagi xonalar soni 60 tadan kam bölmagan mehmonxonalarning har bir xonasi uçun 40 million söm;
- 4 va 5 yulduzli toifadagi xonalar soni 120 tadan kam bölmagan mehmonxonalarning har bir xonasi uçun 65 million söm.
Endi bu imtiyozlar maxsus hududlar uçun investitsiya miqdoridan qatʼi nazar 2035-yil 1-yanvargaça amal qiladi.
Bundan taşqari, maxsus hududlarda restoran, sport va şaharsozlik obyektlari böyiça xorijiy brendlarni jalb qilişdagi franşiza tölovlarining 50 foizgaça bölgan qismini qoplab beriş tizimini joriy etiş rejalaştirilmoqda
