181 betdan iborat mazkur naşr mamlakatimizning barça 14 ta hududining tarixiy-madaniy merosi, noyob tabiati, qadimiy şaharlari va zamonaviy turizm imkoniyatlari bilan pokistonlik keng jamoatçilikni yaqindan taniştiriş maqsadida Özbekistonning Pokistondagi elçixonasi tomonidan 600 nusxada çop etildi.

Kitobda Samarqand, Buxoro, Xiva, Şahrisabz, Toşkent va boşqa tarixiy şaharlar, ularning arxitektura yodgorliklari, qadimiy madrasalar, masjidlar va maqbaralar aks etgan fotosuratlar örin olgan.

Şuningdek, jahon sivilizatsiyasi taraqqiyotiga ulkan hissa qöşgan buyuk allomalar, mutafakkirlar va davlat arboblarining hayoti hamda merosiga alohida e’tibor qaratilgan. Xususan, Imom Buxoriy, Imom Termiziy, Abu Ali ibn Sino, Abu Rayhon Beruniy, Mirzo Uluğbek va Alişer Navoiy kabi siymolar haqida ma’lumotlar berilgan.

Naşrda tarixiy meros bilan birgalikda Özbekistonning zamonaviy sayyohlik imkoniyatlari, jumladan, ziyorat, eko, gastronomik va etnografik turizm yönalişlari, şuningdek, sayyohlar uçun yaratilgan infratuzilma keng yoritilgan.

Kitobdan Toşkent şahrida barpo etilgan Özbekiston Islom sivilizatsiyasi markazi va Samarqanddagi yangilangan Imom Buxoriy majmuasi aks ettirilgan suratlar ham joy oldi. Bu ma’lumotlar pokistonlik öquvçilarga mamlakatimizning ham qadimiy merosi, ham bugungi bunyodkorlik işlari bilan yaqindan tanişiş imkonini beradi.

Yangi naşr körgazmalar, taqdimotlar, turistik roud-şoular, forumlar va işbilarmonlik uçraşuvlarida namoyiş etiladi, şuningdek, Pokistonning davlat taşkilotlari, sayyohlik kompaniyalari, OAV va keng jamoatçilik vakillari örtasida tarqatiladi.