O‘zbekiston Respublikasi Turizm qo‘mitasi

Aviakompaniya Toshkent, Samarqand, Buxoro va Urganch shaharlariga haftasiga 42 ta reysni amalga oshiradi. Ma’lumot uchun: Istanbul orqali uchayotgan tranzit yo‘lovchilar uchun Turkish Airlines ikki bepul xizmat taklif qiladi: “Touristanbul” — tranzit vaqti 6–24 soat bo‘lsa, bepul shahar ekskursiyasi; “Stopover in Istanbul” — xalqaro borish-qaytish chiptasi bilan tranzit vaqti kamida 20 soat bo‘lsa, bepul mehmonxona. Bu xizmatlar Yevropa, AQSh, Yaqin Sharq va Afrikadan sayyohlarni O‘zbekistonga jalb qilishda qo‘shimcha imkoniyat yaratadi.

“Turkish Airlines”ning Istanbul orqali xalqaro ulanishlari va O‘zbekistondagi beshta yo‘nalishidan foydalanib, Yevropa hamda Amerikadan turistlar oqimini oshirishni taklif qilindi. Buning uchun avvalo yo‘lovchilar oqimini bozorlar kesimida tahlil qilish, ustuvor shaharlardan maxsus turistik tariflarni kelishish va bir shahardan kirib, boshqa shahardan qaytadigan tayyor turlarni birgalikda sotuvga chiqarish zarurligi ta’kidlandi.

Uchrashuvda Yevropada qo‘shimcha ravishda Amsterdam, Rim, Milan, Madrid, Barselona, Berlin, Praga va Budapesht bozorlarini ko‘rib chiqish, O’zbekistonlik turoperatorlar bilan hamkorlikda roadshow targ’ibot tadbirlari o’tkazishga kelishib olindi.

Bundan tashqari, oktyabr oyining oxirida Turizm qo’mitasi va “Turkish Airlines” aviakompaniyasi o’rtasida hamkorlik memorandum imzolashga kelishildi.

Shuningdek, Toshkentda mahalliy turoperatorlar hamda “Turkish Airlines” aviakompaniyasi vakillari o’rtasida biznes nonushta tashkil etish, Turkiyada Buxoro kunlari tadbirini o’tkazish va dunyo bozorlariga birgalikda targ’ibot kompaniyalarini o’tkazishga kelishib olindi.