Mehmonxona sohasi tadbirkorlari bilan hududlarda ochiq muloqotlar o‘tkazilmoqda
2026-09-29 14:55:00 / Yangiliklar
“Turizm xizmatlarini sertifikatlashtirish markazi” DM direktori J.Gaziyev boshchiligida o‘tkazilgan uchrashuvlar davomida Prezidentimiz tomonidan 18-avgust kuni Xiva shahrida tadbirkorlar bilan ochiq muloqot shaklida o‘tkazilgan uchrashuvda e’lon qilingan imtiyozlar haqida ma’lumot berish, yangi standartlarni tushuntirish va imtiyozlar muddati uzaytirilgani haqida ma’lumot berish hamda mehmonxona sohasidagi muammolarni o‘rganish maqsadida tashkil etilmoqda.
Muloqotlarda sertifikatlashtirish va inspeksiya jarayonlari yuzasidan taqdimotlar qilindi. Standartlar va sertifikatlashtirish tartibidagi o‘zgarishlar, xorijiy brend mehmonxonalarni jalb etish, yulduzli mehmonxonalar sonini ko‘paytirish va xizmat sifatini oshirish masalalari tushuntirildi. Savol-javob chog‘ida subsidiyalar, imtiyozlarning qo‘llanilishi va kredit olish masalalari muhokama qilindi.
Shuningdek, mehmonxonalar faoliyati joyida o‘rganilmoqda. Jizzax viloyatida faoliyat yuritayotgan va qurilishi boshlangan mehmonxonalar, yer maydoniga ega yoki binosini mehmonxonaga aylantirmoqchi bo‘lgan, xorijiy brend yoki investor jalb qilish, kredit olish istagidagi tadbirkorlar bilan uchrashuvlar o‘tkazilib, ularga yangi standartlar va qonunchilikdagi yengilliklar batafsil tushuntirildi.