Qoraqalpog‘iston va Xorazmda tadbirkorlarga turizm sohasidagi imtiyozlar va ulardan foydalanish tartibi tushuntirildi
2026-09-15 15:00:00 / Yangiliklar
Tadbir davomida tadbirkorlik subyektlariga sertifikatlashtirish, inspeksiya jarayonlari faoliyatini sifatli o‘tkazish bo‘yicha taqdimotlar o‘tkazildi. Bunda standartlarga kiritilgan o‘zgartirishlar, sertifikatlashtirish tartibidagi o‘zgarishlar hamda markaz faoliyati, brend mehmonxonalarni O‘zbekistonga olib kelish, yulduzli mehmonxonalar sonini ko‘paytirish, mehmonxonalar sifatini oshirish bo‘yicha tushuntirishlar berildi.
Shu bilan birga mehmonxonalar vakillari bilan savol javob shaklida ochiq muloqot bo‘lib o‘tdi. Muloqotda subsidiya masalasi, O‘zbekiston Respublikasi Prezidenti tomonidan VI ochiq muloqotda taqdim qilingan imtiyozlarning qo‘llanilishi, kreditlar olish masalalari atroflicha muhokama qilindi.
Mazkur Ochiq muloqot shaklidagi uchrashuvlar respublikaning barcha hududlarida ketma-ketlikda o‘tkazilib boriladi. Keyingi uchrashuvlar Buxoro va boshqa viloyatlarda bo‘lib o‘tadi.