O‘zbekiston Respublikasi Turizm qo‘mitasi

11–18-avgust kunlari Turizm qo‘mitasi tomonidan ijodiy guruh uchun Toshkent shahri, Buxoro, Samarqand va Toshkent viloyatlari bo‘ylab press-tur tashkil etildi. Safar davomida O‘zbekistonning madaniy-tarixiy merosi, gastronomik salohiyati, tog‘ turizmi, zamonaviy mehmonxona va turizm infratuzilmasiga alohida e’tibor qaratildi. Samarqand shahrida jurnalistlar Birinchi O‘zbekiston–Gruziya turizm forumini ham yoritdilar.

O‘zbekiston hududlari bo‘ylab sayohat qilish orqali mamlakat bilan yaqindan tanishish gruziyalik tomoshabinlarga uning qadimiy shaharlari va milliy an’analaridan tortib, zamonaviy kurortlar hamda yangi dam olish yo‘nalishlarigacha bo‘lgan turistik imkoniyatlarini yaxlit tarzda namoyish etish imkonini beradi. Bu esa O‘zbekistonning Gruziyadagi turizm salohiyatini targ‘ib qilish, mamlakatga sayohat qilishga qiziqishni oshirish va ikki davlat o‘rtasidagi turistik almashinuvni rivojlantirish uchun qo‘shimcha imkoniyatlar yaratadi.