Xalqaro konsultantlar bilan hududlarning master-rejalarini ishlab chiqish bo‘yicha uchrashuv o‘tkazildi
2026-08-20 09:45:00 / Yangiliklar
O‘zbekiston Respublikasi Turizm qo‘mitasi raisi A. Aqqulov Jizzax va Sirdaryo viloyatlarining hududiy-fazoviy va master rejalarini ishlab chiqayotgan xalqaro konsultantlar jamoasi bilan uchrashdi. Unda viloyatlarning turistik salohiyati va ushbu rejalar asosida rejalashtirilayotgan turistik obyektlar muhokama qilindi.
Uchrashuv Jahon banki va Osiyo infratuzilmaviy investitsiyalar banki ishtirokida amalga oshirilayotgan loyihalar doirasida tashkil etildi. Loyiha doirasida Jizzax viloyatining G‘allaorol, Zafarobod, Baxmal hamda Sirdaryo viloyatining Sirdaryo va Sardoba tumanlari uchun tegishli rejalar ishlab chiqilmoqda. Bu ishga Janubiy Koreya va Malayziya kompaniyalaridan iborat konsultantlar jamoasi jalb etilgan.
A.Aqqulov mazkur viloyatlarning turistik salohiyati va rejalashtirilayotgan turistik obyektlar to‘g‘risida ma’lumot berdi.
Uchrashuv yakunida tomonlar master rejalarni birgalikda ishlab chiqish va hamkorlikni davom ettirish bo‘yicha kelishib olishdi.