O‘zbekiston Respublikasi Turizm qo‘mitasi

Ko‘chada zamonaviy piyodalar yo‘laklari, bolalar maydonchasi, workout zonasi, quruq favvoralar, dekorativ ariq, lazerli yoritish tizimi, fotozonalar va yashil hududlar barpo etilgan. Bu infratuzilma ham mahalliy aholi, ham sayyohlar uchun yagona, yaxlit dam olish makonini shakllantiradi.

Loyiha Prezident tashabbusi bilan amalga oshirilayotgan “Drayver” loyihalari doirasida bunyod etilgan bo‘lib, shaharning zamonaviy qiyofasini rivojlantirish, tadbirkorlikni qo‘llab-quvvatlash hamda yangi ish o‘rinlari yaratishga xizmat qilishi kutilmoqda. Ko‘chada 10 ta yangi tadbirkorlik subyekti ish boshladi, 43 ta savdo va xizmat ko‘rsatish obyekti tashkil etilib, 332 ta yangi ish o‘rni yaratildi.

Bunday gastronomik ko‘chalar turistlarga milliy taomlar va zamonaviy xizmatlarni bir joyda taqdim etib, hududning turistik jozibadorligini oshirishga xizmat qiladi.