Turizm qo‘mitasi raisi o‘rinbosari ishtirokida Buxoroda “Rahbar va yoshlar” uchrashuvi o‘tkazildi
2026-07-30 17:25:00 / Yangiliklar
Tadbir avvalida mamlakatimizda amalga oshirilayotgan yoshlarga oid davlat siyosati, turizm sohasida yoshlar uchun yaratilayotgan keng imkoniyatlar hamda tarmoqda olib borilayotgan islohotlarda ularning o‘rni va salohiyati haqida batafsil so‘z yuritildi.
Shuningdek, turizm sohasida dual ta’lim tizimini yanada rivojlantirish, xorijiy tillarni puxta o‘rganish, turistik innovatsion startap loyihalarini amalga oshirish hamda yoshlarning bandligini ta’minlash borasida amalga oshirilayotgan ishlar va istiqboldagi vazifalar xususida atroflicha fikr almashildi.
Samimiy va ochiq muloqot ruhida kechgan uchrashuv davomida yoshlar o‘zlarini qiziqtirgan savollariga batafsil javob oldilar. Shu bilan birga, 20 nafarga yaqin yoshning murojaat va takliflari tinglanib, ularning aksariyati joyida hal etildi hamda tegishli masalalar yuzasidan mutasaddilarga topshiriqlar berildi.