Farg‘onada ayollarni turizm sohasiga jalb etish imkoniyatlari muhokama qilindi
2026-07-30 16:05:00 / Yangiliklar
Tadbir xorijdan va mehnat migratsiyasidan qaytgan xotin-qizlarni turizm sohasiga jalb etish, ularning iqtisodiy reintegratsiyasini ta’minlash va tadbirkorlik tashabbuslarini qo‘llab-quvvatlash maqsadida tashkil etildi. Unda mas’ul xodimlar, turizm sohasidagi tadbirkorlar hamda mehnat migratsiyasidan qaytgan xotin-qizlar ishtirok etdi.
Seminarda xotin-qizlarning iqtisodiy faolligini oshirish, ularni zamonaviy xizmat ko‘rsatish va turizm tarmoqlarida band qilish davlat siyosatining ustuvor yo‘nalishlaridan biri ekani ta’kidlandi.
Ishtirokchilarga turizm yo‘nalishida o‘z biznesini yo‘lga qo‘ymoqchi bo‘lgan ayollar uchun davlat yaratgan imtiyozlar, subsidiya va kredit ajratish tartiblari hamda sohaning huquqiy asoslari yuzasidan tushuntirishlar berildi. Tajribali tadbirkorlar muvaffaqiyatli biznes-keyslarni taqdim etdi.