Turizm sohasiga malakali kadrlar tayyorlash bo‘yicha OTMlar bilan hamkorlik hududlarda natija bermoqda
2026-07-30 10:50:00 / Yangiliklar
Ana shunday ishlarning natijasi Andijon viloyatida ham ko‘zga tashlanmoqda. Andijon qishloq xo‘jaligi va agrotexnologiyalar institutining Turizm (agroturizm) ta’lim yo‘nalishini tamomlagan 30 nafar bitiruvchi yakuniy malakaviy ishlarini Turizm boshqarmasi hamda tegishli komissiya a’zolari ishtirokida himoya qildi.
Bitiruvchilar o‘z tadqiqotlari doirasida Andijon viloyatining turizm salohiyati, madaniy meros obyektlari, ziyorat turizmi maskanlari hamda tabiiy va agroturizm resurslarini o‘rganib, ularni rivojlantirishga qaratilgan ilmiy asoslangan taklif va amaliy tavsiyalarni taqdim etdi.
Himoya yakunida to‘plangan ilmiy va amaliy materiallardan kelgusida mahalliy va xorijiy sayyohlar uchun o‘zbek, ingliz, rus va boshqa tillarda maqolalar, turistik qo‘llanmalar, targ‘ibot materiallari hamda raqamli kontent tayyorlashda foydalanish bo‘yicha kelishib olindi.