Oʻzbekiston IMEX 2026’da: Biznes (MICE) turizmi bo‘yicha yangi xalqaro hamkorliklar yo‘lga qo‘yilmoqda
2026-05-19 16:10:00 / Yangiliklar
Mazkur ko‘rgazma har yili minglab xalqaro kompaniyalar, turizm tashkilotlari, mehmonxona tarmoqlari hamda yirik tadbirlar tashkilotchilarini bir maydonga jamlaydi. Ko‘rgazma biznes turizmi, konferensiyalar, korporativ uchrashuvlar va xalqaro tadbirlar yo‘nalishidagi hamkorliklarni rivojlantirish uchun muhim platforma hisoblanadi.
Turizm qo‘mitasi tomonidan tadbir davomida mamlakatimizning turizm salohiyati targ‘iboti va taqdimoti amalga oshirilmoqda. O‘zbekiston milliy stendida yurtimizning yirik kompaniyalari — “Silk Road Samarkand”, CAEx, “Asialuxe Travel”, “El Mundo”, “Tour Link” hamda Konvensiyalar byurosi kabi tashkilotlar ham ishtirok etib, xorijiy hamkorlar bilan yangi aloqalarni yo‘lga qo‘yish ustida ishlamoqda.
O‘zbekiston tomonidan ko‘rgazma doirasida mamlakatimizning MICE turizmi salohiyati, zamonaviy infratuzilmasi, yirik xalqaro forum va tadbirlarni yuqori saviyada o‘tkazish imkoniyatlari haqida tashrif buyuruvchilarga batafsil ma’lumotlar taqdim etilmoqda.
Shu bilan birga, O‘zbekiston delegatsiyasi ICCA xalqaro tashkiloti rahbariyati vakili Senthil Gopinath boshchiligidagi delegatsiya bilan muzokaralar o‘tkazilib, ikki tomonlama hamkorlikni yo‘lga qo‘yishda dastlabki qadamlar tashlandi.