Ichan qal’ada “Xorazm Cho‘girmasi va Flash Mob” xalqaro festivali tashkil etildi
2026-04-04 13:45:00 / Yangiliklar
Turizm qo’mitasi tashabbusi bilan tashkil qilingan Xorazm viloyatida o‘tkazilayotgan Xorazm Cho‘girmasi va Flash Mob xalqaro festivali bugun nafaqat mahalliy aholi, balki xorijiy sayyohlar uchun ham unutilmas taassurotlarga boy tarzda davom etmoqda.
Festival hududi rang-barang milliy liboslar, kuy-qo‘shiqlar va raqslar bilan to‘lib-toshgan bo‘lib, har bir tashrif buyuruvchi o‘zini haqiqiy bayram muhitida his qilmoqda.
Ayniqsa, Cho‘girma – Xorazmning qadimiy va o‘ziga xos bosh kiyimi namoyishlari katta qiziqish uyg‘otmoqda. Turli dizayn va uslubdagi cho‘girmalar milliy merosimizning betakrorligini yana bir bor namoyon etmoqda.
Ushbu festival Xorazm viloyatining turizm salohiyatini yana bir bor namoyon etib, hududni xalqaro miqyosda targ‘ib qilishda muhim ahamiyat kasb etmoqda.