O‘zbekiston Respublikasi Turizm qo‘mitasi

Xususan, insonparvarlik, ezgulik, shukronalik va mehr-oqibat kabi milliy an’ana va qadriyatlarni asrab-avaylash hamda keng targ‘ib qilish maqsadida O‘zbekiston Respublikasi Turizm qo‘mitasi tashabbusi bilan Surxondaryo viloyatining Sariosiyo va Oltinsoy tumanlarida mahalliy aholi vakillari uchun iftorlik tadbiri tashkil etildi.

Tadbirda so‘zga chiqqan O‘zbekiston Respublikasi Turizm qo‘mitasi raisi A.Aqqulov barchani muborak Ramazon oyi bilan qutlab, joylarda «Ramazon — mehr-muruvvat, ahillik va shukronalik oyi» g‘oyasi asosida tashkil etilayotgan tadbirlar insonlar o‘rtasida mehr-oqibat va muruvvat rishtalarini yanada mustahkamlashga xizmat qilayotganini ta’kidladi.

Iftorlik tadbirida yig‘ilganlarga e’tibor va ehtirom ko‘rsatilib, viloyat hokimligi mutasaddilari hamda jamoatchilik faollari tomonidan samimiy tilaklar bildirildi. Shuningdek, dasturxon atrofida jam bo‘lganlar yurtimiz tinchligi, xalqimiz farovonligi, yurtimizda amalga oshirilayotgan ezgu ishlarning bardavom bo‘lishini tilab, duoga qo‘l ochdilar.

Muqaddas Ramazon oyida o‘tkazilayotgan bunday ezgu tadbirlar jamiyatda saxovat va mehr-oqibat muhitini mustahkamlash, aholi o‘rtasida hamjihatlik va birdamlikni yanada kuchaytirishga xizmat qilmoqda.

Ushbu muborak oy nafaqat ma’naviy poklanish, balki jamiyatda o‘zaro hamjihatlik va bag‘rikenglikni mustahkamlash, insoniy qadriyatlarni ulug‘lash hamda ijtimoiy-iqtisodiy rivojlanishga ijobiy turtki beruvchi muhim davr sifatida alohida ahamiyat kasb etmoqda.