O‘zbekiston Respublikasi Turizm qo‘mitasi

Tashrif davomida Surxondaryo viloyati hokimligi, tegishli vazirlik va idoralar hamda 50 dan ortiq tadbirkorlar, jumladan turoperatorlar, mehmonxona va restoran biznesi vakillari, transport xizmatlari ko‘rsatuvchi korxonalar, dam olish maskanlari rahbarlari hamda madaniy muassasalar vakillari ochiq muloqot o‘tkazildi.

Ochiq muloqot jarayonida Surxondaryo viloyatida 2025-yilda amalga oshirilgan loyihalar va erishilgan natijalar taqdim etildi, shuningdek, 2026-yilga mo‘ljallangan ustuvor vazifalar, jumladan, hududda turizm infratuzilmasini rivojlantirish, yangi turizm yo‘nalishlari va mahsulotlarini yaratish, xorijiy va mahalliy sayyohlar oqimini oshirish, shuningdek, sohadagi tadbirkorlik faoliyatini qo‘llab-quvvatlash masalalari muhokama qilindi.

Uchrashuvda bildirilgan taklif va tashabbuslar asosida Surxondaryo viloyati bo‘yicha turizmni rivojlantirishga qaratilgan yangi loyihalarning manzilli rejalari shakllantirildi. Ayni paytda ushbu loyihalar asosida hududiy chora-tadbirlar dasturi ishlab chiqilmoqda.

Mazkur tashabbuslar amalga oshirilishi natijasida hududning turistik salohiyati yanada oshishi, yangi ish o‘rinlari yaratilishi va aholi daromadlarining ko‘payishi kutilmoqda.

Ma’lumot uchun, navbatdagi uchrashuv joriy yil 19-fevral kuni Qashqadaryo viloyati, Qarshi shahrida Ma’naviyat va ma’rifat markazida bo‘lib o‘tadi. Qo‘shimcha ma’lumotlar uchun: Shohijahon Sultonov, (77) 021-71-79.

Mazkur uchrashuvda ishtirok etish uchun quyidagi havola orqali ro‘yxatdan o‘ting.