O‘zbekiston Respublikasi Turizm qo‘mitasi

Dastur doirasida viloyatda faoliyat yuritayotgan 170 ga yaqin tadbirkorlar, turoperatorlar, hunarmandlar, mehmonxona va restoran biznesi vakillari, transport xizmatlari ko‘rsatuvchi tashkilotlar hamda madaniy muassasalar ishtirokida ochiq muloqot tashkil etildi. Tadbirda Iqtisodiyot va moliya, Transport, Kambag‘allikni qisqartirish va bandlik vazirliklari, Madaniy meros agentligi, O‘rmon va yashil hududlarni ko‘paytirish hamda cho‘llanishga qarshi kurashish agentligi, Buxoro viloyati hokimligi hamda tegishli vazirlik va idoralar vakillaridan iborat respublika ishchi guruhi ishtirok etdi.

Ochiq muloqot jarayonida Samarqand viloyatida 2025-yilda amalga oshirilgan loyihalar va erishilgan natijalar taqdim etildi, shuningdek, 2026-yilga mo‘ljallangan ustuvor vazifalar, jumladan, turizm infratuzilmasini modernizatsiya qilish, servis xizmatlari sifatini oshirish, yangi ish o‘rinlari yaratish va mahalliy aholi bandligini ta’minlashga qaratilgan aniq chora-tadbirlar belgilab olindi. Shu bilan birga, xususiy sektor bilan hamkorlikni kuchaytirish, investitsiyalarni jalb etish hamda hududiy brendlarni targ‘ib qilish masalalariga alohida e’tibor qaratildi.

Ochiq muloqotning birinchi kuni Samarqand shahrida “Mövenpick” mehmonxonasida joylashtirish vositalari hamda umumiy ovqatlanish shoxobchalari vakillari ishtirokida tashkil etildi. Uchrashuv davomida soha vakillarining taklif va tashabbuslari atroflicha tinglandi, mavjud muammolar va ularning yechimlari yuzasidan fikr almashildi.

Tadbir jarayonida xizmatlar sifatini yanada oshirish, zamonaviy standartlarni joriy etish hamda mehmonlarga ko‘rsatilayotgan servis darajasini takomillashtirish masalalariga alohida e’tibor qaratildi. Bildirilgan takliflarni qo‘llab-quvvatlash va amaliyotga tatbiq etish bo‘yicha tegishli vazifalar belgilab olindi.

Mazkur uchrashuv sohada o‘zaro hamkorlikni mustahkamlash, tadbirkorlik subyektlarini qo‘llab-quvvatlash hamda turizm va xizmat ko‘rsatish yo‘nalishida samaradorlikni oshirishga xizmat qiladi.

Muloqotning ikkinchi kuni Samarqand shahridagi “Yoshlar Markazi” binosining kichik faollar zalida turoperatorlar, gidlar, transport tashkilotlari va hunarmandlar bilan o‘tkazildi.

Uchrashuv davomida xizmatlar sifati, sayyohlar uchun yaratilayotgan sharoitlar, yangi turizm mahsulotlarini shakllantirish hamda xususiy sektor bilan hamkorlikni kuchaytirish masalalari muhokama qilindi. 

Ikki kunlik tashrif davomida viloyatning bir qator tumanlarida amalga oshirilayotgan turizm loyihalari o‘rganilib, istiqboldagi ustuvor yo‘nalishlar belgilab olindi.

Belgilangan vazifalar asosida hududlarda turizm infratuzilmasini rivojlantirish va yangi investitsion loyihalarni amalga oshirish ishlari davom ettiriladi.

Keyingi uchrashuv 16-fevral kuni Surxondaryo viloyati, Termiz shahri Termiz davlat universitetida (Barkamol avlod ko'chasi 43) bo‘lib o‘tadi. (Uchrashuv yuzasidan qo‘shimcha ma’lumot: Haydar Abdurasulov, (90) 247-34-66).

Mazkur uchrashuvga quyidagi havola orqali ro‘yxatdan o‘ting.