Samarqand viloyatida turizm infratuzilmasini rivojlantirish bo‘yicha olib borilayotgan amaliy ishlar bilan tanishildi
2026-02-14 09:30:00 / Yangiliklar
Tashrifning birinchi kuni Respublika ishchi guruhi Urgut tumanining “Chor-chinor” MFY hududiga tashrif buyurdi. Unda 89.9 gektar yer maydonini tabiatni asragan holda dam olish maskanlari va Osma dor yo‘li tashkil etish, “Andak” MFY tog‘li hududida turizm maskani va Paraplanda uchish maydonini qilish, Qoratepa suv omborida turizm xizmatlarini rivojlantirish va “Eco village” tashkil qilish yuzasidan vazifalar belgilandi.
Ishchi guruh keyingi obyekt sifatida Samarqand tumani “Ohalik-Oqbo‘yro-Mironqul” turistik-rekreatsion zonasi imkoniyatlari bilan tanishdi hamda yangi tashkil etilayotgan “Edelveys” tog‘ turistik kompleksi va u yerga “Gloriya” xalqaro brendini jalb qilish bo‘yicha olib borilayotgan ishlar bilan tanishildi.
Ishchi guruh tashrifining ikkinchi kuni Nurobod tumanidagi “Mehnatkash” mahallasida turizm zonasi hamda sog‘lomlashtirish maskani, oilaviy mehmon uylarini tashkil etish kabi turizm va xizmat ko‘rsatish obyektlari bilan tanishdi. Shuningdek, “Nurbuloq” MFYda turistlarni qabul qilish bo‘yicha amalga oshirilayotgan ishlar va istiqboldagi rejalar yuzasidan taqdimotlar o‘tkazildi. Shu bilan birga “Nurbuloq” MFYda Radonli suvdan samarali foydalanishni yo‘lga qo‘yish bu yerda Tibbiyot turizm assotsiatsiyasini tashkil etish belgilab olindi.
Keyingi manzil Ishtixon tumani “Toytuyoq” MFYda joylashgan Oqdaryo suv ombori atrofida aholi dam olish uchun ekoturizm maskanini barpo etish loyihasi bo‘lib, u qirg‘oq hududlarini o‘z ichiga oladi. Bu yerda 2026–2030 yillar davomida bosqichma-bosqich turistik kompleks tashkil etish bo‘yicha rejalar belgilandi.
Shuningdek, hududga olib boruvchi yo‘l infratuzilmasini yaxshilash va elektr tarmoqlarini tortish bo‘yicha takliflar ishlab chiqish vazifasi qo‘yildi.