O‘zbekiston Respublikasi Turizm qo‘mitasi

Tadbirda O‘zbekiston Respublikasi Turizm qo‘mitasi, Surxondaryo viloyati turizm boshqarmasi, Boysun tumani hokimligi mas’ullari, mahalla faollari, nuroniylar, ommaviy axborot vositalari vakillari hamda ijtimoiy tarmoq faollari ishtirok etdi.

Ming yillik tarixga ega Sayrob mahallasi o‘zining betakror tabiati, milliy urf-odatlari, an’anaviy me’morchiligi va boy madaniy merosi bilan mahalliy va xorijiy sayyohlar uchun jozibador hudud hisoblanadi. “Turizm qishlog‘i” maqomining berilishi hududda sayyohlik infratuzilmasini yanada rivojlantirish, aholi bandligini ta’minlash, tadbirkorlikni qo‘llab-quvvatlash hamda milliy qadriyatlarni asrab-avaylashga xizmat qilishi ta’kidlandi.

Shuningdek, tadbir davomida Sayrob mahallasida kelgusida amalga oshiriladigan turizm loyihalari, mehmon uylari faoliyati, hunarmandchilik va xizmat ko‘rsatish sohasini rivojlantirish bo‘yicha rejalar xususida so‘z yuritildi.

Mazkur tashabbus Sayrob mahallasining turizm salohiyatini to‘liq ro‘yobga chiqarish, hududni mamlakatimiz turizm xaritasida yanada mashhur maskanga aylantirishga xizmat qiladi.