O‘zbekiston Respublikasi Turizm qo‘mitasi

Yangi turistik obyektlar sonining ortib borayotgani ichki turizmni rivojlantirish bilan bir qatorda, xorijiy sayyohlar oqimini ham oshirmoqda. Bu esa nafaqat turizm infratuzilmasini rivojlantirishga, balki mahalliy aholi bandligini oshirishga ham xizmat qilmoqda.

Mehmonxonalar, kafe va sayyohlik xizmatlari soni ortgani sababli ko‘plab yoshlar ish bilan ta’minlanmoqda. Shu bilan birga, madaniy va ekologik turizmning rivojlanishi hududning tarixiy va tabiiy merosini saqlashga yordam bermoqda. Turistlar nafaqat dam olish, balki hududning tabiiy va madaniy boyliklarini o‘rganish imkoniyatiga ega bo‘lmoqda.

Bu kabi loyihalar turistlarga qulaylik yaratishi barobarida mamlakatimizning investitsiyaviy va madaniy jozibadorligini oshiradi. Bo‘stonliq bugungi kunda tabiiy go‘zalliklari, zamonaviy majmualari va yuksak xizmat madaniyati bilan ana shunday markazga aylanib bormoqda.