Xalqaro hamkorlar ishtirokida dolzarb mavzuga bag'ishlangan seminar-trening
2025-08-23 17:00:00 / Yangiliklar
Yevropa Ittifoqi va Birlashgan Arab Amirliklarining "Hidoya" markazi bilan hamkorlikda yurtimizdagi barcha diniy-ma'rifiy sohada faoliyat olib borayotgan mutaxassislar hamda imom-xatiblar uchun ehtiyojlarni baholash bo’yicha trening bo‘lib o‘tdi.
Tadbirning ochilish marosimida Din ishlari bo'yicha qo'mita raisining birinchi o'rinbosari D.Maxsudov kirish nutqi bilan ishtirok etdi.
Ta'kidlash lozimki, bugungi kunda ijtimoiy media va texnologiyalar tez sur’atlarda rivojlanar ekan, samarali muloqot yuritish hamda turli qarashlarni to‘g‘ri tushunish — onlayn ham, oflayn ham — har qachongidan muhimdir.
Diniy -ma'rifiy soha xodimlarining bu kabi xalqaro tadbirlar orqali tajriba va malaka ko'nikmalarini oshirish esa jamiyatda ishonchga asoslangan muloqotni yo‘lga qo‘yishda muhim qadamdir.
Ushbu tadbir Yevropa Ittifoqi tomonidan moliyalashtiriladigan STRIVE II dasturi doirasida tashkil etildi.
Dastur mahalliy ishtirokchilarning salohiyatini oshirish orqali zo‘ravon ekstremizmga qarshi chidamlilikni kuchaytirishga qaratilgan.
Din ishlari boʻyicha qoʻmita
Axborot xizmati