Din ishlari boʻyicha qoʻmita mazkur sohadagi litsenziyalovchi vakolatli organ etib belgilangan.

Litsenziya - “Umra” tadbirlarini tashkil etish va oʻtkazish faoliyati uchun yakka tartibdagi litsenziya sifatida yuridik shaxslarga taqdim etiladi.

Litsenziyani olish uchun taqdim qilinadigan hujjatlar:

✅ariza. Arizada quyidagi maʼlumotlar koʻrsatiladi:
- yuridik shaxsning nomi va tashkiliy-huquqiy shakli, joylashgan yeri (pochta manzili), faoliyatni amalga oshirish joyining manzili, STIR, bank muassasasining nomi va bank hisobvaragʻi, litsenziya talabgorining litsenziya talablari va shartlariga rioya qilishga roziligi;
- tadbirkorlik subyekti rahbari va xodimlarining familiyasi, ismi va otasining ismi, tugʻilgan yili, manzili, pasport (identifikatsiyalovchi ID-karta) maʼlumotlari;

✅litsenziya talabgori tomonidan Din ishlari boʻyicha qoʻmitaning “Ziyorat” jamgʻarmasiga 1 mln AQSH dollari ekvivalentidan kam boʻlmagan miqdordagi mablagʻlarni toʻlanganligini tasdiqlovchi hujjat. 
✅“Umra” tadbirlari davomida ziyoratchilarga guruh rahbari etib diniy bilim va koʻnikmalarga ega mutaxassisni jalb qilish boʻyicha Oʻzbekiston musulmonlari idorasi bilan tuzilgan shartnoma nusxasi;
✅“Umra” xizmatlari koʻrsatish boʻyicha Saudiya Arabistoni Podshohligi Haj va umra vazirligining “Umra” litsenziyasiga ega boʻlgan hamkor tashkilot oʻrtasida imzolanadigan shartnoma nusxasi;
✅ziyoratchilarni tashish va parvozlarni amalga oshirish boʻyicha aviakompaniya(lar) tuzilgan hamkorlik shartnomasi nusxasi;
✅tadbirkorlik subyektining ziyoratchilarga sifatli xizmat koʻrsatishi uchun zamonaviy jihozlangan binoda faoliyat yuritishi toʻgʻrisidagi maʼlumot;
✅tadbirkorlik subyektining fuqarolik javobgarligini sugʻurtalashni tasdiqlovchi sugʻurta polisining mavjudligini tasdiqlovchi hujjatlar nusxasi.

Arizani koʻrib chiqish uchun toʻlanadigan yigʻim miqdori - bazaviy hisoblash miqdorining 3 baravari.

Litsenziya berilganligi uchun davlat boji miqdori - bazaviy hisoblash miqdorining 10 baravari.

➡️Din ishlari boʻyicha qoʻmita 2024-yil 15-oktyabrdan 28-oktyabrga qadar tadbirkorlik subyektlaridan litsenziya uchun arizalarni qabul qiladi.

➡️Ish vaqtlari: Dushanba - Juma soat 09.00dan 18.00 ga qadar. Tushlik vaqti: soat 13.00-14.00. 

➡️Tel: 712071758 (ichki 124)

➡️Oʻzbekiston Respublikasi Din ishlari boʻyicha qoʻmitasi 100011, Toshkent shahar, Navoiy koʻchasi, 12-uy.

➡️ Rekvizit boʻyicha batafsil maʼlumot:
H/R 2340 2000 3001 0000 1010
Bank: HKKM MB BB Toshkent shahar, MFO: 00014
Sh/H 4014 1086 0262 6670 8510 0023 001
INN (STIR): 202 395 586  OKED: 84112

ARIZA NAMUNASI

Yuridik shaxs rasmiy blankasida

O‘zbekiston Respublikasi

Din ishlari bo‘yicha qo‘mitasi

raisi S.Toshboyevga

(yuridik shaxs nomi, rahbarining FISh, manzili, telefon raqami)

A R I Z A

Sizdan, O‘zbekiston Respublikasi Vazirlar Mahkamasining 2024-yil 12-oktyabrdagi 668-son qaroriga muvofiq “Umra” tadbirlarini tashkil etish va o‘tkazish faoliyatini amalga oshirish uchun yakka tartibdagi litsenziyani olish maqsadida arizamni belgilangan tartibda ko‘rib chiqishingizni so‘rayman.

Vazirlar Mahkamasining 2024-yil 12-oktyabrdagi 668-son qarori 1-ilovasi “Umra” tadbirlarini tashkil etish va o‘tkazish faoliyatini litsenziyalash tartibi to‘g‘risida nizom”iga ilova “Umra” tadbirlarini tashkil etish va o‘tkazish faoliyatini litsenziyalash pasporti” 9-bandida belgilangan litsenziya talab va shartlariga rioya qilishga roziligimni bildiraman.

Yuridik shaxs haqida ma’lumot:

1. Yuridik shaxsning nomi va tashkiliy-huquqiy shakli;
2. joylashgan yeri (pochta manzili);
3. faoliyatni amalga oshirish joyining manzili;
4. STIR;
5. bank muassasasining nomi;
6. bank hisob varag‘i;
7. tadbirkorlik subyekti rahbari va xodimlarining familiyasi, ismi va otasining ismi, tug‘ilgan yili, manzili, pasport (identifikatsiyalovchi ID-karta) ma’lumotlari (xatga ilova qilinadi);

Ilova: Hujjatlar to‘plami

F.I.Sh.   Imzo   Muhr