“Sport – salomatlik tayanchi” mavzusida “Hamkorlik kubogi” sport musobaqalari o‘tkazildi
2026-08-07 14:50:00 / Yangiliklar
Bugun, 7-avgust kuni O‘zbekiston xalqaro islomshunoslik akademiyasida “Yoshlar – kelajak bunyodkori” shiori ostida mahalla yoshlari uchun “Sport – salomatlik tayanchi” mavzusida “Hamkorlik kubogi” sport musobaqalari o‘tkazildi.
Uchinchi marotaba o‘tkazilayotgan mazkur musobaqada jamoalar sportning mini futbol, voleybol, stol tennisi, shaxmat-shashka kabi sport turlari bo‘yicha bellashdilar.
Toshkent shahar Sport boshqarmasi bilan hamkorlikda tashkil etilgan sport musobaqalarida Toshkent shahridagi mahalla yoshlari, Toshkent davlat iqtisodiyot universiteti hamda Toshkent davlat texnika universiteti jamoalari ishtirok etdi.
Yakuniy natijalarga ko‘ra, g‘olib va sovrindor jamoalar hamda sportchilar diplom, medal, kubok va esdalik sovg‘alari bilan munosib taqdirlandilar.
🌐 Din ishlari boʻyicha qoʻmita
Axborot xizmati