O‘zbekiston Respublikаsi Din ishlаri bo‘yichа qo‘mitаsi

Bugun, 26-iyun kuni Din ishlari bo‘yicha qo‘mita raisi Sodiq Toshboyev ishtirokida 27-iyun – Matbuot va ommaviy axborot vositalari xodimlari kuni hamda 30-iyun – Yoshlar kuni munosabati bilan “Rahbar va yoshlar” uchrashuvi tashkil etildi.

Uchrashuvda yosh xodimlar, talaba-yoshlar, diniy-ma’rifiy sohada faoliyat yuritayotgan mutaxassislar hamda ommaviy axborot vositalari vakillari ishtirok etdi.
 

Tadbir davomida yoshlarning fikr-mulohazalari, taklif va tashabbuslari tinglandi.

Shuningdek, diniy-ma’rifiy sohada xolis, tezkor va ishonchli axborotlarni keng jamoatchilikka yetkazish, jamiyatda sog‘lom ma’naviy muhitni mustahkamlash hamda ma’rifiy g‘oyalarni targ‘ib etishda OAVning o‘rni alohida ta’kidlandi.

Uchrashuv doirasida o‘zining faolligi, tashabbuskorligi va mas’uliyati bilan ajralib turgan yosh xodimlar, talabalar hamda OAV vakillariga tashakkurnomalar va esdalik sovg‘alari topshirildi.
 

Ochiq muloqot davomida ishtirokchilar o‘zlarini qiziqtirgan savollar bilan murojaat qilib, sohani rivojlantirish, yoshlar salohiyatini qo‘llab-quvvatlash, diniy-ma’rifiy kontentlar sifatini oshirish hamda jamoatchilik bilan samarali kommunikatsiyani yo‘lga qo‘yish yuzasidan takliflarini bildirdi.

Ta’kidlanganidek, yoshlar bilan ochiq va samimiy muloqotlar ularning davlat va jamiyat hayotidagi faolligini oshirish, kasbiy salohiyatini yuksaltirish hamda yangi tashabbuslarni qo‘llab-quvvatlashga xizmat qiladi.

Tadbir yakunida ishtirokchilarga faol ishtiroki uchun minnatdorlik bildirilib, kelgusidagi faoliyatida muvaffaqiyatlar tilandi.

Din ishlari boʻyicha qoʻmita
Axborot xizmati